باسپا قۇنىنىڭ وسۋىنە ەشقانداي نەگىز جوق - جۇمانعارين
استانا. KAZINFORM - قازاقستاندا قازىر تۇرعىن ءۇيدىڭ قىمباتتاۋىنا ەشقانداي نەگىز جوق. بۇل تۋرالى ق ر پرەمەر-ءمينيسترىنىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين ءمالىم ەتتى.
بۇگىن پارلامەنت ماجىلىسىندە تىلشىلەر ۇكىمەت باسشىسىنىڭ ورىنباسارىنان «جاقىندا ەلدە اۆتوكولىك پەن پاتەر ارزاندايدى دەگەن پىكىر قانشالىقتى راس؟» دەپ سۇرادى.
- قازىرگى ۋاقىتتا ارزاندايدى دەگەنگە كۇمانمەن قارايمىن. ەگەر قىمباتتاماسا، سوعان دا راحمەت. اتاپ ايتقاندا، قازىر ۇيلەردىڭ قىمباتتاۋىنا ەشقانداي العىشارتتار جوق، - دەدى سەرىك جۇمانعارين.
بۇعان دەيىن حابارلانعانداي، بيىل ناۋرىز ايىندا تۇرعىن ءۇيدى ساتىپ الۋ-ساتۋ مامىلەلەرىنىڭ سانى 3,9 پايىزعا ءوستى.
ەسكە سالساق، بىلتىر جەلتوقسان ايىندا ونەركاسىپ جانە قۇرىلىس ءمينيسترى ەرسايىن ناعاسپايەۆ ەلىمىزدە باسپانا باعاسىنىڭ كوتەرىلۋ مۇمكىندىگىنە قاتىستى پىكىر ءبىلدىردى.
