باس پروكۋروردىڭ ورىنباسارى تالعارداعى وقيعانىڭ تەرگەلۋىنە تۇسىنىك بەردى

استانا. KAZINFORM – ق ر باس پروكۋرورىنىڭ ورىنباسارى عالىمجان قويگەلديەۆ تالعارداعى قاندى وقيعا بويىنشا ءىستىڭ تەرگەلۋىنە قاتىستى تۇسىنىك بەردى.

«تالعارداعى كىسى ءولتىرۋ وقيعاسىنا قاتىستى تەرگەۋ امالدارى تۇراقتى باقىلاۋدا تۇرعانىن اتاپ وتكەن ءجون. كۇدىكتى ادامدار ۇستالدى جانە ايىپ تاعىلدى. 15-قازان كۇنى ىشكى ىستەر ءمينيسترىنىڭ ءبىرىنشى ورىنباسارى باۋىرجان الەنوۆ پەن الماتى وبلىسىنىڭ پروكۋرورى بەرىك اداموۆتىڭ قاتىسۋىمەن بريفينگ ءوتىپ، سول كەزدە ءىستىڭ ءمان- جايىنا قاتىستى تۇسىنىك بەرىلدى. قايتىس بولعان ءجاسوسپىرىمنىڭ اكەسىنە قاتىستى ەشقانداي قىلمىستىق ءىس قوزعالماعانىن ناقتى ايتا الامىن»، - دەدى ع. قويگەلديەۆ سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

ونىڭ ايتۋىنشا، قارا جامىلعان وتباسىنىڭ ءۇيىن ورتەۋ دەرەگىنە قاتىستى ءىس تەرگەلىپ جاتىر. بۇل تۇرعىدا ءتيىستى ساراپتالار جاسالىپ جاتىر.

ەسكە سالايىق، بۇعان دەيىن 4-قازاندا تالعار قالاسىنداعى توبەلەستەن 16 جاسار جاسءوسپىرىم قايتىس بولعانىن جازعانبىز.

اشۋلى تالعارلىقتار جاسءوسپىرىم ولىمىنە بايلانىستى نارازىلىققا شىقتى.

الماتى وبلىسىنىڭ پروكۋراتۋراسى كىسى ءولتىرۋ تۋرالى بۇل ءىس ەرەكشە باقىلاۋعا الىنعانىن رەسمي تۇردە حابارلادى.

ىشكى ىستەر ءمينيسترى ەرجان سادەنوۆ الماتى وبلىسى تالعار اۋدانىنداعى جاسءوسپىرىمنىڭ ولىمىنە قاتىستى ءىستى جەكە باقىلاۋىنا الدى.

12-قازان تۇندە قارا جامىلعان وتباسىنىڭ ءۇيى ورتەنىپ كەتتى. الماتى وبلىسىنىڭ پوليتسيا دەپارتامەنتى بوتەننىڭ مۇلكىن قاساقانا جويۋ فاكتىسى بويىنشا ءىس قوزعادى.

18-قازان كۇنى الماتى وبلىسى پروكۋرورىنىڭ ورىنباسارى مەن تالعار اۋدانىنىڭ پروكۋرورى قىزمەتىنەن كەتتى.