باس جۇلدە - پاتەر: استانادا رەسپۋبليكالىق بايگە وتەدى

سارىارقانىڭ سايىن دالاسىن دۇبىرگە بولەپ، ەڭسەلى ەلوردانىڭ تورىندە ەلىمىزدىڭ تۇكپىر-تۇكپىرىنەن جينالعان تاڭداۋلى تۇلپارلار مەن سايدىڭ تاسىنداي ىرىكتەلگەن شاباندوزدار «قازانات» اتشابارىندا ب ا ق سىناماق. بۇل - بابالاردان ميراس بولعان بايگە ونەرىنىڭ بۇگىنگى ۇرپاققا جالعاسقان جارقىن كورىنىسى، ۇلتتىق رۋحتىڭ جاڭعىرىعى. جارىس بارىسىندا سايگۇلىكتەر بىرنەشە قاشىقتىقتا سىنعا تۇسەدى:

9 شاقىرىمدىق «قۇنان» بايگە

• 1-ورىن - 3000000 تەڭگە؛

• 2-ورىن - 1500000 تەڭگە؛

• 3-ورىن - 700000 تەڭگە.

16 شاقىرىمدىق «توپ» بايگە

• 1-ورىن - «Changan» اۆتوكولىگى؛

• 2 -ورىن - 3000000 تەڭگە؛

• 3-ورىن - 1000000 تەڭگە.

25 شاقىرىمدىق «الامان» بايگە

• 1-ورىن - 1 بولمەلى پاتەر؛

• 2-ورىن - «Changan» اۆتوكولىگى؛

• 3-ورىن - 2000000 تەڭگە؛

• 4-ورىن - 700000 تەڭگە؛

• 5-ورىن - 300000 تەڭگە.

7-ماۋسىم كۇنى ساعات 11:00 دە ۇلتتىق رۋحتى اسقاقتاتاتىن ءدۇبىرلى بايگەنىڭ سالتاناتتى اشىلۋى وتەدى.

جۇيرىك تۇلپارلار مەن شاباندوزداردى تىركەۋ 6-ماۋسىم كۇنى ساعات 09:00 دەن 18:00 گە دەيىن جۇرگىزىلەدى. الامان بايگەگە قاتىسۋ جارناسى - 70 مىڭ تەڭگە، توپ بايگەگە 50 مىڭ تەڭگە، ال قۇنان بايگەگە 30 مىڭ تەڭگە بەلگىلەندى. جينالعان قاراجاتتىڭ بارلىعى يگى مۇراتقا، قايىرىمدىلىق جولىنا جۇمسالادى.