باقتيار ارتايەۆقا ۆەل باركەر كۋبوگى قايتارىلدى

استانا. KAZINFORM - بۇگىن استانادا قازاقستان بوكس فەدەراتسياسىنىڭ پرەزيدەنتى شاحمۇرات ءمۇتالىپ پەن بوكستان وليمپيادا چەمپيونى باقتيار ارتايەۆتىڭ قاتىسۋىمەن كەزدەسۋ ءوتتى.

Бақтияр Артаевқа Вэл Баркер кубогы қайтарылды
Фото: Бокс федерациясы

فەدەراتسيانىڭ باسپا ءسوز قىزمەتى مالىمەتىنشە، باسقوسۋدىڭ نەگىزگى ماقساتى - باقتيار ارتايەۆقا ۆەل باركەر كۋبوگىن تابىستاۋ.

ۆەل باركەر كۋبوگى - وليمپيادا ويىندارىنداعى ۇزدىك بوكسشىعا بەرىلەتىن قايتالانباس جۇلدە.

2004-جىلى افيناداعى باسەكەدە چەمپيون اتانعان باقتيار ارتايەۆ جارىستىڭ ۇزدىك بىلعارى قولعاپ شەبەرى دەپ تانىلدى. ارتايەۆ ءوز كۋبوگىن بىرنەشە جىل بۇرىن حالىقارالىق ۇيىمعا تاپسىرىپ، وسى ماسەلە شەشىمىن تاپپاعان ەدى. قازاقستان بوكس فەدەراتسياسى الەمدىك سپورتتاعى قۇندى جادىگەر سانالاتىن جۇلدەنى قايتارۋ ءۇشىن ناقتى قادامدار جاسادى. وسىلايشا، بۇگىن ۆەل باركەر كۋبوگى ءوز يەسىن تاپتى.

ايتا كەتەيىك، باقتيار ارتايەۆ جاڭا قىزمەتكە تاعايىندالعان بولاتىن.

سوڭعى جاڭالىقتار