ب ۇ ۇ يزرايلدى قارۋمەن قامتاماسىز ەتۋدى توقتاتۋدى تالاپ ەتتى

استانا. KAZINFORM – ب ۇ ۇ- نىڭ ادام قۇقىقتارى جونىندەگى ساراپشىلارى يزرايلگە قارۋ-جاراق پەن وق-ءدارى جەتكىزۋدى توقتاتۋعا شاقىردى. ولاردىڭ پىكىرىنشە، مۇنداي ەلدەر گەنوتسيدكە قاتىسۋشى ەلدەر قاتارىنان تابىلۋى مۇمكىن.

بۇل تۋرالى ادام قۇقىقتارى جونىندەگى جوعارعى كوميسسار باسقارماسى تاراتقان ب ۇ ۇ- نىڭ ارنايى بايانداماشىلارىنىڭ مالىمدەمەسىندە ايتىلعان.

«يزرايلگە قارۋ-جاراق پەن وق-دارىلەردى بەرۋ ادام قۇقىقتارى مەن حالىقارالىق گۋمانيتارلىق قۇقىقتى بۇزۋ بولىپ تابىلادى جانە مەملەكەتتىڭ حالىقارالىق قىلمىستارعا، سونىڭ ىشىندە گەنوتسيدكە قاتىسۋ قاۋپىن تۋدىرۋى مۇمكىن»، - دەلىنگەن قۇجاتتا.

ساراپشىلاردىڭ پايىمداۋىنشا، قارۋ وندىرۋشىلەر ەكسپورتتىق ليتسەنزيالارعا سايكەس جۇزەگە اسىرىلسا دا، يزرايلگە جەتكىزۋدى توقتاتۋى كەرەك. مالىمدەمەدە جەتكىزۋشىلەر رەتىندە BAE Systems, Boeing, Caterpillar، General Dynamics, Lockheed Martin, Northrop Grumman, Oshkosh, Rheinmetall AG، Rolls-Royce Power Systems, RTX جانە ThyssenKrupp اتالعان.

ساراپشىلار حالىقارالىق سوتتىڭ يزرايلگە رافاحتاعى اسكەري شابۋىلىن دەرەۋ توقتاتۋدى بۇيىرعان تاياۋداعى شەشىمىن، سونداي-اق حالىقارالىق قىلمىستىق سوت پروكۋرورى يزرايلدىڭ باسشىلارىن سوعىستاعى قىلمىستارى مەن ايىپتاۋلار بويىنشا تۇتقىنداۋعا وردەر بەرۋ تۋرالى ءوتىنىشىن ەسكە سالدى.