ب ۇ ۇ قازاقستانداعى تۇراقتى ۇيلەستىرۋشى مىندەتىن ۋاقىتشا اتقارۋشىنى تاعايىندادى
استانا. KAZINFORM - بۇگىننەن باستاپ ستيۆەن و’ماللي مىرزا ب ۇ ۇ- نىڭ قازاقستانداعى تۇراقتى ۇيلەستىرۋشىسى مىندەتىن ۋاقىتشا اتقارۋشى قىزمەتىنە كىرىستى.
«دامۋ جانە گۋمانيتارلىق سالاداعى قىزمەتتە 25 جىلدان استام تاجىريبەسى بار و’ماللي مىرزا بۇل رولگە قازاقستانداعى تۇراقتى دامۋدى ىلگەرىلەتۋگە ب ۇ ۇ- نىڭ مىندەتتەمەسىن كۇشەيتە وتىرىپ، باي تاجىريبەمەن اتسالىسادى»، - جازدى ب ۇ ۇ Instagram پاراقشاسىنا.
ەسكە سالا كەتەيىك، بۇعان دەيىن بۇۇ مەن قازاقستان 2026-2030-جىلدارعا ارنالعان نەگىزدەمەلىك باعدارلامانى تالقىلاعانىن جازعان بولاتىنبىز.
قازاقستانداعى ب ۇ ۇ كوممۋنيكاتسيالار بويىنشا كەڭەسشىسى ەلنارا باينازاروۆانىڭ ايتۋىنشا، سوڭعى 30 جىلدا ب ۇ ۇ قازاقستاندا تەڭسىزدىكتى ازايتۋ، ينستيتۋتتاردى جاڭعىرتۋ، ەكونوميكانى ءارتاراپتاندىرۋ جانە حالىقتىڭ ەڭ وسال توپتارى - بالالار، ايەلدەر، قارتتار، ميگرانتتار مەن بوسقىنداردى قولداۋ سياقتى كوپتەگەن سالالاردا ۇلتتىق، ايماقتىق جانە جەرگىلىكتى دەڭگەيدە 400 دەن استام جوبانى جۇزەگە اسىردى.
