ب ق و تۇرعىندارىنىڭ 100 ميلليون تەڭگەسىن قولدى ەتكەن الاياق ۇستالدى
ورال. KAZINFORM - ورال قالاسىندا الاياقتىقپەن اينالىسقان 42 جاستاعى تۇرعىن ۇستالدى.
ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، اتالمىش الاياق ءوزىن قۇرىلىس سالاسىنىڭ مامانى، پاتەرلەردىڭ يەسى نەمەسە دەلدال رەتىندە تانىستىرىپ، پاتەرلەردى ساتىپ، رەسىمدەۋمەن اينالىسا وتىرىپ، وبلىس تۇرعىندارىنىڭ اقشالاي قاراجاتىن يەمدەنگەن.
«اتاپ ايتقاندا، جاڭاقالا اۋدانىنىڭ تۇرعىنى الاياققا 30 ميلليون تەڭگەسىن اۋدارىپ جىبەرگەن. ال ورال قالاسىنىڭ تۇرعىنى ءۇيدى رەسىمدەۋ ءۇشىن 27,8 ميلليون تەڭگەسىن بەرگەن. وبلىس تۇرعىندارىنا كەلتىرىلگەن جالپى زالال كولەمى 100 ميلليون تەڭگەدەن اسادى. الاياقتىق دەرەكتەرى نەگىزىندە 7 ەپيزود بويىنشا قىلمىستىق ءىس قوزعالىپ، تەرگەۋ امالدارى جۇرگىزىلۋدە. ب ق و پوليتسيا دەپارتامەنتى قىراعى بولۋ، بەيتانىس جانە تەكسەرىلمەگەن ادامدارعا سەنبەۋ كەرەكتىگىن ەسكە سالادى»، - دەپ حابارلادى ۆەدومستۆودان.
ەسكە سالا كەتەيىك، بۇدان بۇرىن ورالدا 67 جاستاعى زەينەتكەر ايەلدى ولتىرگەن كۇدىكتى كورشىسى بولىپ شىققانىن جازعان ەدىك.
