10:25, 14 - ناۋرىز 2025 | GMT +5
ب ق و-دا جولدىڭ ءۇستىن سۋ باسىپ، كولىك قوزعالىسىنا شەكتەۋ قويىلدى
ورال. KAZINFORM - باتىس قازاقستان وبلىسىندا ورال- بەلەس- پەرەمەتنىي اۆتوجولىندا بارلىق كولىك تۇرلەرى ءۇشىن قوزعالىسقا شەكتەۋ قويىلدى.
ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، قاردىڭ كۇرت ەرۋى سالدارىنان سۋ مول كەلىپ، جولدىڭ ۇستىنە شىعىپ كەتكەن.
قازىرگى كەزدە اۆتوكولىكتەر ورال- ساراتوۆ جولى ارقىلى قاتىناۋدا.
- جۇرگىزۋشىلەرگە جولعا شىققان كەزدە اتالعان اقپاراتتى ەسكەرىپ، قاۋىپسىزدىك شارالارىن ساقتاۋ كەرەكتىگىن ەسكە سالامىز. بۇل ازاماتتار قاۋىپسىزدىگى ءۇشىن جاسالىپ وتىر، - دەپ حابارلادى ۆەدومستۆودان.
ەسكە سالا كەتەيىك، بۇدان بۇرىن ورالدا ەرىگەن قار سۋىنا بايلانىستى تۇرعىنداردان ءوتىنىش كوبەيە تۇسكەنىن جازعان بولاتىنبىز.
اۆتور
عايساعالي سەيتاق
