ب ج ز ق اكتيۆىن ينۆەستيسيالاۋ: بانكتەر قالاي ىرىكتەلىپ، قارجى قانداي شارتپەن بەرىلدى

استانا. KAZINFORM - ۇلتتىق بانك ءبىرىڭعاي جيناقتاۋشى زەينەتاقى قورى اكتيۆتەرىن تارتۋ ءۇشىن ەكىنشى دەڭگەيلى بانكتەر قانداي كريتەريي بويىنشا ىرىكتەلگەنىن جانە قارجى قانداي شارتتارمەن بەرىلگەنىن ءمالىم ەتتى.

- ب ج ز ق-نىڭ زەينەتاقى اكتيۆتەرىن تارتۋعا مەنشىكتى كاپيتال مولشەرى 60 ميلليارد تەڭگەدەن اساتىن جانە كرەديتتىك رەيتينگى «B» - دەن تۇسپەيتىن بانكتەر قاتىسا الادى، - دەلىنگەن ۇلتتىق بانكتىڭ Kazinform اگەنتتىگى جولداعان رەسمي ساۋالعا جاۋابىندا.

سونداي-اق بۇل اكتيۆتەر ەكىنشى دەڭگەيلى بانكتەرگە قانداي شارتپەن بەرىلگەنى ءمالىم بولدى. قارجىلاندىرۋدىڭ بۇل كوزى بانكتەرگە وبليگاتسيا شىعارۋ ارقىلى كەلەسى شارتتارمەن ۇسىنىلدى:

 * اينالىم مەرزىمى 7 جىلدان اسپاۋى كەرەك؛
 * ينفلياتسيا دەڭگەيىنە نەمەسە TONIA اقشا نارىعىنىڭ ينديكاتورىنا بايلانىستى تۇراقتى نەمەسە وزگەرمەلى كۋپوندىق سىياقى مولشەرلەمەسى بەلگىلەنۋى كەرەك.
كورسەتىلگەن ستاۆكالاردىڭ مولشەرى وبليگاتسيا ورنالاستىرۋ ساتىندە ايقىندالادى جانە اينالىس مەرزىمى نە ينفلياتسيا دەڭگەيى نەمەسە TONIA اقشا نارىعىنىڭ ينديكاتورى ۇقساس ق ر مەملەكەتتىك باعالى قاعازدارىنىڭ كىرىستىلىك دەڭگەيىنە، سونداي-اق بانكتىڭ كرەديتتىك رەيتينگىنە جانە وبليگاتسيالاردىڭ اينالىس مەرزىمىنە بايلانىستى بانكتىڭ كرەديتتىك تاۋەكەلدەرى ءۇشىن سىيلىقاقىعا بايلانىستى بولادى، - دەلىنگەن حابارلامادا.

بانكتەردىڭ قارجىنى اۋەلگى ماقساتىنان بولەك سالاعا، ياعني ەكونوميكانىڭ ناقتى سەكتورىنان باسقا جاققا سالۋعا بولمايتىنى ايتىلعان.

- بانكتەر تارتىلعان قاراجاتتى ينۆەستيتسيالىق جوبالاردى كرەديتتەۋگە جىبەرۋگە ءتيىس. بۇل رەتتە كوتەرمە جانە بولشەك ساۋدانى، تۇرعىن ءۇي قۇرىلىسىن، تۇرعىن ءۇيدى جانە كوممەرتسيالىق جىلجىمايتىن مۇلىكپەن وپەراتسيالاردى كرەديتتەۋگە، جەكە تۇلعالاردى جانە باسقا دا ءبىرقاتار سالالاردى كرەديتتەۋگە جول بەرىلمەيدى، - دەلىنگەن جاۋاپتا.

ايتا كەتەيىك، بۇعان دەيىن ۇلتتىق بانك ب ج ز ق اكتيۆتەرىنىڭ ءتيىستى ماقساتتا جۇمسالۋىن قالاي قاداعالايتىنىن تۇسىندىرگەن بولاتىن.

اۆتور

ەربول جانات