ب ۇ ۇ باسشىسى توتەنشە ىستىقتان قورعانۋ ءۇشىن شۇعىل شارالار قابىلداۋعا شاقىردى
استانا. KAZINFORM - ميللياردتاعان ادام 50 گرادۋس سەلسيدەن اساتىن توتەنشە ىستىق پەن ولىمگە اكەلەتىن اپتاپ ىستىقتىڭ «ىندەتىنە» تاپ بولۋدا. بۇل تۋرالى بۇۇ باس حاتشىسى انتونيۋ گۋتەرريش ءوزىنىڭ توتەنشە ىستىقپەن كۇرەسۋ جونىندەگى جاڭا ارەكەتكە شاقىرۋىن تانىستىرعان كەزدە ايتتى.
ب ۇ ۇ باسشىسىنىڭ ايتۋىنشا، جاڭا دەرەك بويىنشا وتكەن جەكسەنبى، دۇيسەنبى جانە سەيسەنبى كۇندەرى تاريحتاعى ەڭ ىستىق ءۇش كۇن بولعان.
توتەنشە ىستىق ەكونوميكانى بۇزادى، تەڭسىزدىكتى كۇشەيتەدى، تۇراقتىلىق ماقساتتارىنا نۇقسان كەلتىرەدى جانە ادام ولىمىنە اكەلەدى. جەر بارعان سايىن ىستىق جانە ومىرگە قاۋىپ توندىرەتىن ورىنعا اينالادى. ارەكەت ەتۋگە شاقىرۋ - ب ۇ ۇ-نىڭ ون مامانداندىرىلعان قۇرىلىمىنىڭ تاجىريبەسىنە سۇيەنە وتىرىپ، اپتاپ ىستىقتىڭ سالدارىن كورسەتەتىن العاشقى قۇجات.
باس حاتشى اۋا تەمپەراتۋراسىنىڭ كوتەرىلۋىنە بايلانىستى ەڭ ءقاۋىپتى توپتارعا جۇكتى ايەلدەر، مۇگەدەكتەر مەن دەنساۋلىعى ناشار ادامدار، قارتتار، بالالار، قونىس اۋدارعاندار جانە سالقىنداتقىشى جوق ساپاسىز تۇرعىن ۇيدە تۇراتىن كەدەيلەر توبى جاتاتىنىن اتاپ ءوتتى.
اۆتور
ەركەجان سماعۇلوۆا
