ب ۇ ۇ: گازادا سوڭعى ەكى كۇندە ازىق-تۇلىك الۋعا تىرىسقان 100 دەن استام ادام قازا تاپتى

استانا. KAZINFORM - بىرىككەن ۇلتتار ۇيىمىنىڭ اقپاراتىنشا، (ب ۇ ۇ) گازادا سوڭعى ەكى كۇندە يزرايلدىڭ «اسكەري» كومەك تاراتۋ پۋنكتتەرىنەن ازىق-تۇلىك الۋعا تىرىسقاندا 100 دەن استام ادامنىڭ قازا تاپقانىن جانە جۇزدەگەن ادامنىڭ جاراقات العان، دەپ حابارلايدى انادولى اقپارات اگەنتتىگى.

ب ۇ ۇ باس حاتشىسىنىڭ باسپا ءسوز حاتشىسىنىڭ ورىنباسارى فارحان حاك كۇندەلىكتى باسپا ءسوز ءماسليحاتىندا گازاداعى وقيعالار تۋرالى حابارلادى.

حاك ازىق-تۇلىك الۋ ءۇشىن ەشكىمنىڭ ءومىرىن قاتەرگە تىگۋگە بولمايتىنىن ايتىپ، بەيبىت تۇرعىنداردىڭ كەز كەلگەن جاعدايدا قورعالۋى كەرەكتىگىن اتاپ ءوتتى.

ول جەتكىلىكتى كومەكتىڭ حالىققا ەركىن ءبولىنۋىن قامتاماسىز ەتۋ قاجەتتىگىنە نازار اۋدارتىپ، بىرنەشە ايعا سوزىلعان تاپشىلىق داعدارىستى ودان ءارى ۋشىقتىرا تۇسكەنىن ەسكەرتتى.

ونىڭ ايتۋىنشا، بۇل گازاعا كومەك جەتكىزۋدەگى كەدەرگىلەردى جويۋدى جانە گۋمانيتارلىق قىزمەتكەرلەردىڭ ءوز جۇمىستارىن تەز ءارى قاۋىپسىز ورىنداۋىن قامتاماسىز ەتۋدى تالاپ ەتەدى.
حاكتىڭ حابارلاۋىنشا، گازادا سوڭعى ەكى كۇندە يزرايلدىڭ «اسكەري» كومەك تاراتۋ پۋنكتتەرىنەن ازىق-تۇلىك الۋعا ارەكەتتەنگەن 100 دەن استام ادامنىڭ قازا تاپقان جانە جۇزدەگەن ادام جاراقات العان.

بۇعان دەيىن حاماس گازاداعى گۋمانيتارلىق بلوكادا الىنبايىنشا كەلىسسوزدەرگە قاتىسۋدان باس تارتقانىن جازعان بولاتىنبىز.

فرانسيا گازا سەكتورىنان بوسقىنداردى قابىلداۋ باعدارلاماسىن ۋاقىتشا توقتاتتى.

ال گەرمانيا گازا سەكتورىنا اۋەدەن گۋمانيتارلىق كومەك تاستاي باستادى.

اۆتور

زارينا تۋعانبايەۆا