ب ا ءا قازاقستاننىڭ ەنەرگەتيكا سالاسىنا ينۆەستيتسيانى ارتتىرۋدى كوزدەپ وتىر

الماتى. KAZINFORM - بىرىككەن اراب امىرلىكتەرى جاڭارتىلاتىن ەنەرگيا كوزدەرىن دامىتۋ سالاسىندا 48 مەملەكەتپەن، ونىڭ ىشىندە قازاقستانمەن دە بىرلەسە جۇمىس ىستەيدى. بۇل تۋرالى ءب ا ا ەنەرگەتيكا ءمينيسترى سۋحەيل ءال- مازرۋي الماتىدا وتكەن KIOGE كونفەرەنتسياسىندا ايتتى.

ب ا ءا ەنەرگەتيكا ءمينيسترىنىڭ ايتۋىنشا، الەمدە مۇناي مەن گاز سياقتى ءداستۇرلى ەنەرگيا كوزدەرىمەن قاتار جاڭارتىلاتىن ەنەرگيا كوزدەرىنىڭ ماڭىزى ارتىپ كەلەدى.

- بۇگىنگى تاڭدا ءبىز جاڭارتىلاتىن ەنەرگيا كوزدەرىن دامىتۋعا 40 ەلدە 20 ميلليارد دوللاردان استام ينۆەستيتسيا سالۋدى كوزدەپ وتىرمىز. ءبىز قازاقستانمەن بىرگە كەم دەگەندە 1 گ ۆ ت جاسىل ەنەرگيا ءوندىرۋ بويىنشا جۇمىس ىستەپ جاتقانىمىزعا قۋانىشتىمىز، - دەدى ول.

ونىڭ ايتۋىنشا، ب ا ءا- دە ەنەرگيانىڭ شامامەن %28 ى جاسىل كوزدەردەن، سونىڭ ىشىندە اتوم ەلەكتر ستانتسيالارى مەن 6 گۆت جاڭارتىلاتىن ەنەرگيا كوزدەرىنەن كەلەدى. اراب مەملەكەتىندە بۇل كورسەتكىشتەردى ۇلعايتىپ، 2030 -جىلعا قاراي 14 گ ۆ ت- تان استام كۇن ەنەرگياسىن ءوندىرۋ جوسپارلانعان.

سونداي- اق، ول ءب ا ا مەن قازاقستان كاسپيدەگى بىرىككەن جۇمىستان بولەك، ەنەرگەتيكالىق ونىمدەردى ۇزدىكسىز جەتكىزۋدى قامتاماسىز ەتۋ ءۇشىن قازاقستان مەن ازەربايجان اراسىنداعى لوگيستيكالىق تىزبەكتەردى ۇيىمداستىرا العانىن اتاپ ءوتتى.

- ءبىز مۇناي مەن گاز ءوندىرۋدى قامتاماسىز ەتىپ قانا قويماي، جاڭارتىلاتىن ەنەرگيا كوزدەرىن، اسىرەسە قازاقستاندا دامىتقىمىز كەلەدى، - دەدى سۋحەيل ءال- مازرۋي.

ەسكە سالايىق، بۇعان دەيىن گەرمانيا قازاقستاننان مۇناي ەكسپورتىن ەكى ەسە ارتتىرۋدى سۇراپ وتىرعانىن جازعانبىز.