ازيا ينفراقۇرىلىمدىق ينۆەستيتسيالار بانكى قازاقستاندى كومىرتەگى بەيتاراپتىعىنا قول جەتكىزۋدە قولداۋعا دايىن
استانا. KAZINFORM – ق ر پرەمەر-ءمينيسترىنىڭ ورىنباسارى - ۇلتتىق ەكونوميكا ءمينيسترى نۇرلان بايبازاروۆ ازيا ينفراقۇرىلىمدىق ينۆەستيتسيالار بانكىنىڭ (ا ي ي ب) ۆيتسە- پرەزيدەنتى كونستانتين ليميتوۆسكي باستاعان دەلەگاتسيا مۇشەلەرىمەن كەزدەسۋ وتكىزدى، دەپ حابارلايدى ۇكىمەتتىڭ باسپا ءسوز قىزمەتى.
ديالوگ بارىسىندا قوناقتارعا ەلىمىزدەگى قازىرگى ماكروەكونوميكالىق جاعداي، ينۆەستيتسيالىق احۋالدى جاقسارتۋ بويىنشا اتقارىلىپ جاتقان جۇمىستار، ينفراقۇرىلىم مەن وڭدەۋ ونەركاسىبى سالاسىنداعى جاڭا باعدارلامالار مەن جوبالار تۋرالى اقپارات بەرىلدى.
بانك قىزمەتىنىڭ ەرەكشەلىگىن ەسكەرە وتىرىپ، قازاقستاندا كولىك، ەنەرگەتيكا، سۋ جانە الەۋمەتتىك ينفراقۇرىلىمدى جاڭعىرتۋ مەن سالۋعا باعىتتالعان ۇكىمەتتىڭ باستامالارىنا ەرەكشە نازار اۋدارىلدى.
«ءبىز ازيا ينفراقۇرىلىمدىق ينۆەستيتسيالار بانكىمەن ودان ءارى ىنتىماقتاستىقتىڭ كەلەشەگىن جوعارى باعالايمىز. قازاقستاننىڭ جاڭا ينۆەستيتسيالىق سيكلگە اياق باسىپ وتىرعانىن ءارى بۇگىنگى تاڭدا حالىقارالىق قارجى ينستيتۋتتارىمەن قاتار جەكە ينۆەستورلاردى دا ينۆەستيتسيالىق تۇرعىدان قىزىقتىراتىن ءبىرقاتار ءىرى جوبالاردى ۇسىنىپ وتىرعانىن اتاپ وتكىم كەلەدى»، - دەدى ۆيتسە-پرەمەر.
كونستانتين ليميتوۆسكي قازاقستان ا ي ي ب قۇرىلتايشىلارىنىڭ ءبىرى رەتىندە بانكتى قۇرۋ مەن دامىتۋدا ەلەۋلى ءرول اتقارعانىن اتاپ ءوتتى. ىنتىماقتاستىقتى كەڭەيتۋدىڭ وراسان زور الەۋەتىن مويىنداي وتىرىپ، ا ي ي ب قازاقستاننىڭ ۇلتتىق دامۋ جوسپارىن تابىستى جۇزەگە اسىرۋعا ۇلەس قوسۋعا، سونداي- اق 2060 -جىلعا قاراي كومىرتەگى بەيتاراپتىعىنا قول جەتكىزۋ ءۇشىن دەكاربونيزاتسياعا دەگەن ۇمتىلىسىن قولداۋعا دايىن.
اي ي ب مەن ق ر ۇلتتىق ەكونوميكا مينيسترلىگى اراسىنداعى كەزدەسۋ اياسىندا ءۇش جىلدىق ينۆەستيتسيالىق جوسپاردى بىرلەسىپ ازىرلەۋ نيەتى تۋرالى دەكلاراتسياعا قول قويىلدى، ول ىقتيمال قارجىلاندىرۋ ءۇشىن سەكتورلاردى، سالالار مەن جوبالاردى كورسەتەتىن بولادى.
