ازيا ويىندارىنا قاتىسۋشىلاردىڭ العاشقى لەگى ەلگە ورالدى
الماتى حالىقارالىق اۋەجايىنا حاڭجوۋداعى جازعى ازيا ويىندارىنا قاتىسقان 50 دەن استام سپورتشى ۇشىپ كەلدى.
قازاقپارات بۇل تۋرالى تۋريزم جانە سپورت مينيسترلىگىنە سىلتەمە جاساپ حابارلايدى.
قازاقستاندىقتار ولاردى ءسان-سالتاناتپەن قارسى الدى. سپورتشىلاردىڭ اراسىندا ازيا ويىندارىندا بەسسايىستان العاش رەت وليمپيادا ليتسەنزياسىن جەڭىپ العان ەلەنا پوتاپەنكو مەن گەورگي بورودا- دۋدوچكين بار.
ەسكە سالايىق، 23-قىركۇيەكتە باستالعان دوداعا سپورتتىڭ 30 تۇرىنەن 524 وتانداسىمىز (262 ەر، 262 ايەل) باق سىناپ جاتىر.
XIX جازعى ازيا ويىندارىنىڭ سالتاناتتى اشىلۋ راسىمىندە ەلىمىز تۋىن بوكستان ۇلتتىق قۇراما كاپيتانى اسلانبەك شىمبەرگەنوۆ پەن بيىكتىككە سەكىرۋدەن كوشباسشىمىز نادەجدا دۋبوۆيتسكايا ۇستاپ شىقتى.
قازاقستان قورجىنىندا ازىرگە 9 مەدال بار: 2 كۇمىس، 7 قولا جۇلدە الدى.
حاڭجوۋداعى جازعى ويىندار 8-قازانعا دەيىن جالعاسادى.
