18:56, 04 - اقپان 2025 | GMT +5
ازيا ويىندارى: قازاقستان قۇراماسى كەرلينگتەن ءبىرىنشى ماتچىندا جەڭىلىپ قالدى
استانا. قازاقپارات - 2025-جىلى قىتايدىڭ حاربين قالاسىندا ءوتىپ جاتقان ازيا ويىندارىندا كەرلينگتەن ارالاس جۇپتار اراسىنداعى جارىستار باستالدى.
ۇلتتىق وليمپيادالىق كوميتەتتىڭ مالىمەتىنشە، بۇل باعدارلامادا قازاقستان نامىسىن ءامينا سەيىتجانوۆا مەن ازيزبەك ناديربايەۆ قورعايدى.
ءبىزدىڭ سپورتشىلار توپتىق كەزەڭدەگى العاشقى ماتچىندا قىتاي قۇراماسىمەن كەزدەسىپ، سەگىز ەندتىڭ قورىتىندىسى بويىنشا 11:5 ەسەبىمەن قارسىلاستارىنا جول بەردى.
ايتا كەتەيىك، قازاقستان B توبىندا ونەر كورسەتەدى. بۇل توپقا سونداي-اق وڭتۇستىك كورەيا، قاتار، قىرعىزستان، فيليپپين جانە قىتاي كوماندالارى كىرگەن.
بۇگىن، 4-اقپان كۇنى قىتايدىڭ حاربين قالاسىندا IX قىسقى ازيا ويىندارىنىڭ كەرلينگ سپورتىنان جارىستار باستالاتىنىن جازعان بولاتىنبىز.
