ازيا ويىندارىندا ەل قۇراماسىنىڭ تۋىن كىمدەر الىپ شىعادى

سپورتشىلار شەرۋىندە قازاقستاننىڭ كوك تۋىن دزيۋدودان وليمپيادا چەمپيونى ەلدوس سمەتوۆ پەن ۇستەل تەننيسىنەن ۇلتتىق قۇراما مۇشەسى سارۆينوز ميركاديروۆا ۇستايدى.

ەلدوس سمەتوۆ - 2024-جىلعى وليمپيادا چەمپيونى، 2016-جىلعى وليمپيادانىڭ كۇمىس جانە 2020-جىلعى وليمپيادانىڭ قولا جۇلدەگەرى. سونداي-اق ونىڭ قورجىنىندا الەم چەمپيوناتى مەن 2014-جىلعى ازيا ويىندارىنىڭ التىن مەدالدارى بار.

سارۆينوز ميركاديروۆا - قازاقستاننىڭ بىرنەشە دۇركىن چەمپيونى. ول wtt Feeder ساناتىنداعى حالىقارالىق تۋرنيرلەردە جۇلدەگە يە بولعان، سونداي-اق، الەم جانە ازيا چەمپيوناتتارىنا قاتىسقان.

ازيادا-2026 ويىندارىنىڭ اشىلۋ سالتاناتى 19-قىركۇيەكتە ناگويا قالاسىنداعى Nagoya City Mizuho Park Athletic Stadium ستاديونىندا وتەدى. جازعى ازيا ويىندارى 4-قازانعا دەيىن جالعاسادى.

ەسكە سالايىق، بۇعان دەيىن ازيا ويىندارىن «Qazaqstan» جانە «Qazsport» تەلەارنالارى تىكەلەي ەفيردە كورسەتەتىنىن حابارلاعانبىز.