گازاداعى قۇرباندار سانى 37372 گە جەتتى
استانا. KAZINFORM - وتكەن جىلدىڭ 7-قازانىنان بەرى گازا سەكتورىندا يزرايلدىڭ جالعاسىپ جاتقان شابۋىلى سالدارىنان قازا تاپقان پالەستينالىقتاردىڭ سانى 37372 گە ءوستى.
بۇل تۋرالى پالەستينانىڭ گازا سەكتورىنداعى دەنساۋلىق ساقتاۋ مينيسترلىگى مالىمدەدى، دەپ جازادى انادولى.
حابارعا سايكەس، سوڭعى 24 ساعات ىشىندە يزرايل ارمياسى گازا سەكتورىنىڭ ءارتۇرلى ايماقتارىندا ءۇش رەت جاساعان شابۋىلى ناتيجەسىندە 25 پالەستينالىق كوز جۇمعان. بۇدان بولەك، تاعى 80 ادام زارداپ شەككەن.
وسىلايشا، 7-قازاننان بەرى جالعاسقان يزرايل شابۋىلى كەزىندە قازا تاپقانداردىڭ جالپى سانى 37372 گە، جارالانعاندار سانى 85452 گە جەتتى، دەپ حابارلادى گازا دەنساۋلىق ساقتاۋ مينيسترلىگى.
قازا تاپقانداردىڭ دەنەسى ءالى قيراعان عيماراتتاردىڭ استىندا جانە جول جيەكتەرىندە جاتىر. جەدەل جاردەم جانە ازاماتتىق قورعانىس توپتارى يزرايل كۇشتەرى تۋدىرعان كەدەرگىلەرگە بايلانىستى ولارعا جەتە الماي وتىر، دەپ قوستى ۆەدومستۆو.
