گازادا يزرايل شابۋىلىنان قازا تاپقان ايەلدىڭ قۇرساعىنداعى ءسابي قۇتقارىلدى

استانا. KAZINFORM - گازا سەكتورى قورشاۋىنىڭ ورتالىق بولىگىندەگى نۋسەيرات بوسقىندار لاگەرىندەگى ءال-اۋدا اۋرۋحاناسىنىڭ اكۋشەرلەرى يزرايل شابۋىلى سالدارىنان كوز جۇمعان ايەلدىڭ قۇرساعىنان ءسابيىن امان الىپ قالدى. بۇل تۋرالى قازاقپارات Anadolu اگەنتتىگىنە سىلتەمە جاساپ حابارلايدى.

توعىز ايلىق جۇكتى ايەلدىڭ دەنەسى تۇندە اۋرۋحانانىڭ جەدەل جاردەم بولىمىنە جەتكىزىلدى، دەپ حابارلادى پالەستينانىڭ رەسمي اقپارات اگەنتتىگى WAFA.

شۇعىل كەسار تىلىگىنىڭ ارقاسىندا ءسابي امان قالدى. ول پەرزەنتحاناداعى ينكۋباتورعا ورنالاستىرىلدى.

ءال-اۋدا اۋرۋحاناسى - 2023 -جىلدىڭ 7-قازانىندا يزرايلدىڭ جاپپاي شابۋىلى باستالعاننان بەرى گازانىڭ ورتالىعىندا گينەكولوگيالىق جانە اكۋشەرلىك قىزمەت كورسەتەتىن جالعىز مەديتسينالىق مەكەمە.

اۆتور
ەلميرا ورالبايەۆا