گازادا قازا تاپقان پالەستينالىقتار سانى 41252 گە جەتتى

استانا. KAZINFORM - سوڭعى 24 ساعات ىشىندە اتقىلاۋدان 26 پالەستينالىق قازا تاۋىپ، تاعى 84 ءى جارالاندى. بۇل تۋرالى انادولى جازدى.

2023-جىلدىڭ 7-قازانىنان بەرى بلوكاداداعى گازا سەكتورىنا گەنوتسيد جاسادى دەپ ايىپتالعان يزرايل ارمياسىنىڭ شابۋىلدارىنان كوز جۇمعاندار سانى 41252 ادامعا جەتتى. گازا سەكتورىنداعى دەنساۋلىق ساقتاۋ مينيسترلىگىنىڭ مالىمەتىنشە، يزرايلدىڭ جاپپاي شابۋىلدارى 347-كۇننەن بەرى توقتاعان جوق.

«سوڭعى 24 ساعاتتىڭ ىشىندە يزرايل ارمياسى گازا سەكتورىنىڭ ءارتۇرلى ايماقتارىندا ءۇش «قىرعىن» جاساپ، ناتيجەسىندە 26 پالەستينالىق قازا تاۋىپ، تاعى 84 ادام جاراقات الدى»، - دەلىنگەن حابارلامادا.

2023-جىلدىڭ 7-قازانىنان بەرى يزرايلدىڭ شابۋىلدارىنان جاراقات العان پالەستينالىقتاردىڭ سانى 95497 گە جەتتى. مىڭداعان ادامنىڭ دەنەسى عيماراتتاردىڭ قيراندىلارىنىڭ استىندا قالعان بولۋى مۇمكىن. ازاماتتىق قورعانىس توپتارى يزرايلدىڭ شەكتەۋلەرىنە بايلانىستى ولارعا جەتە الماي وتىر.

ايتا كەتەيىك، ب ا ءا گازادان 100 گە جۋىق جارالى ادام مەن اۋىر ناۋقاستى ەۆاكۋاتسيالادى.