ايگىلى ۆەتنام راديوسى ديماش قۇدايبەرگەنگە حابار ارنايدى
استانا. قازاقپارات - 2025-جىلدىڭ 2-شىلدەسىندە VOV3 (ۆەتنام داۋىسى) راديوارناسى قازاقستاندىق ءانشى ديماش قۇدايبەرگەننىڭ شىعارماشىلىعى مەن ونىڭ ۆەتنامدىق فان-كلۋبىنىڭ قىزمەتىنە ارنالعان «ydols Talk: Deep» باعدارلاماسىنىڭ ارنايى شىعارىلىمىن ۇسىنادى، دەپ حابارلايدى DimashNews.
راديوحابار ءانشىنىڭ ونەر جولىنا ارنالادى. اتاپ ايتساق، قىتايلىق «Singer 2017» شوۋىنداعى دەبيۋتىنەن باستاپ ءارتۇرلى مۋزىكالىق جانرلاردى قامتيتىن حالىقارالىق جەتىستىكتەرى (كلاسسيكالىقتان قازىرگى پوپقا دەيىن) قامتىلادى. باعدارلاما سونىمەن قاتار ونىڭ بىرنەشە تىلدە، سونىڭ ىشىندە قازاق، ورىس، اعىلشىن، فرانسۋز جانە قىتاي تىلدەرىندەگى ورىنداعان اندەرىن قويادى.
ەفيردە ديماشتىڭ ورىنداۋىنداعى SOS d’un terrien en détresse جانە ليۋبوۆ ۋستاۆشيح لەبەدەي اندەرى قويىلادى.
حاباردىڭ ەكىنشى ءبولىمى ديماشتىڭ 2017-جىلى قۇرىلعان ۆەتنامدىق فان-كلۋبىنا ارنالادى، كلۋب مۇشەلەرى ءانشىنىڭ شىعارماشىلىعىنا قىزىعۋشىلىق تانىتادى، كەزدەسۋلەر ۇيىمداستىرادى، بىرنەشە تىلدە كونتەنت دايىندايدى جانە ونىڭ مادەني ميسسياسىن ىلگەرىلەتۋگە باعىتتالعان باستامالاردى ۇيلەستىرەدى.
سونداي-اق باعدارلامادا ديماشتىڭ شەتەلدەگى (سونىڭ ىشىندە قازاقستانداعى) كونسەرتتەرىنە قاتىسقان جانكۇيەرلەر تۋرالى ەستەلىكتەر، فان- كلۋبتىڭ كوپشىلىككە ارنالعان ءىس-شارالارى مەن انشىمەن ونلاين فورماتتاعى كەزدەسۋلەرى تۋرالى ايتىلادى.
«ydols Talk: Deep» باعدارلاماسى 2025-جىلدىڭ 2-شىلدەسىندە VOV3 (ۆەتنام داۋىسى) ارناسىندا ۆەتنام ۋاقىتىمەن 8:30، 15:30 جانە 19:30 دا حابار تاراتادى.
بۇعان دەيىن ديماش قۇدايبەرگەننىڭ شانحاي حالىقارالىق كينوفەستيۆالىنىڭ جابىلۋىندا ونەر كورسەتكەنى حابارلانعان بولاتىن.
