ايەلىن 10 جىلدان اسا ۇرىپ-سوعىپ كەلگەن قازاقستاندىق ديپلومات 7 جىلعا سوتتالماق
استانا. KAZINFORM - بۇرىنعى ديپلوماتتىڭ ۇزاق جىلدار بويى ايەلىنە زورلىق-زومبىلىق كورسەتكەنى ءۇشىن ناقتى تۇرمە جازاسىنا كەسىلۋى مۇمكىن. بۇل تۋرالى زارداپ شەگۋشى كارينا ماماشتىڭ ادۆوكاتى ءبيبىنۇر مۇراتوۆا ءمالىم ەتتى.
«قازىر كۇدىكتىگە رەسمي تۇردە ايىپ تاعىلىپ، ءىس سوتقا جولداندى. سوت ءادىل شەشىم شىعارادى دەپ سەنەمىز»، - دەدى ادۆوكات ءبيبىنۇر مۇراتوۆا.
ادۆوكاتتىڭ ايتۋىنشا، ەكى بالانىڭ اناسى كارينا ماماش كۇيەۋىنىڭ قورلىعىنا 10 جىلدان استام ۋاقىت شىداپ كەلگەن. تەرگەۋ تولىق اياقتالىپ، ءىس سوتقا جولداندى. ەندى ەكس-ديپلومات قازاقستان رەسپۋبليكاسىنىڭ قىلمىستىق كودەكسىنىڭ 110-بابىنىڭ 2-بولىگى («ازاپتاۋ») بويىنشا جاۋاپقا تارتىلادى. اتالعان باپ بويىنشا ايىپتالۋشى 4 جىلدان 7 جىلعا دەيىن باس بوستاندىعىنان ايىرىلۋى مۇمكىن.
ەسكە سالا كەتەيىك، كارينا ماماش بۇرىنعى كۇيەۋىنىڭ قولىنان كورگەن زورلىق-زومبىلىق تۋرالى وتكەن جىلى اشىق مالىمدەگەن. ونىڭ ايتۋىنشا، ەكس-ديپلومات وعان پسيحولوگيالىق جانە فيزيكالىق قىسىم كورسەتىپ، بىرنەشە رەت ۇرىپ-سوققان. وقيعا قوعامدا كەڭىنەن تالقىلانىپ، قۇقىق قورعاۋ ورگاندارى ءىستى تەرگەۋگە الدى.
