ايەلدەرگە ارنالعان ۆاگوندار تاعى ءۇش باعىتتا قاتىناي باستادى

استانا. قازاقپارات - ق ت ج ايەلدەرگە ارنالعان ۆاگوندار سانىن ۇلعايتىپ، ولار جۇرەتىن جاڭا باعىتتاردى ىسكە قوستى، دەپ حابارلادى Halyq Uni ءتىلشىسى.

بۇرىن بۇل ۆاگوندار تەك 8 باعىتتا بولسا، ەندى ولاردىڭ سانى 11-گە دەيىن ارتتى.

ايەلدەرگە ارنالعان ۆاگوندارمەن جۇرەتىن پويىزدار:

№354/353 «استانا - سەمەي»؛
№24/23 «اقتوبە - الماتى»؛
№25/26 «الماتى - شىمكەنت»؛
№77/78 «الماتى - ماڭعىستاۋ»؛
№351/352 «الماتى - وسكەمەن»؛
№45/46 «پاۆلودار - تۇركىستان»؛
№37/38 «ماڭعىستاۋ - سەمەي»؛
№47/48 «اتىراۋ - استانا»؛
№33/34 «اقتوبە - الماتى-1»؛
№4/3 «استانا - الماتى-2»؛
№71/72 «استانا - شىمكەنت».
ۇلتتىق تاسىمالداۋشىنىڭ مالىمەتىنشە، بۇل ۆاگوندار العاش رەت 2021 -جىلى ايەلدەردىڭ جول ءجۇرۋ كەزىندە جايلىلىعىن ارتتىرۋ ماقساتىندا ەنگىزىلگەن. مۇنداي ۆاگوندارداعى بيلەتتەردىڭ باعاسى قاراپايىم ۆاگوندارداعى بيلەتتەردەن ەرەكشەلەنبەيدى. الايدا ايەلدەرگە ارنالعان ۆاگوندارعا بيلەتتەر تەك ايەلدەرگە ساتىلادى جانە ولارمەن بىرگە جەتى جاسقا دەيىنگى ۇل بالالار عانا ساياحاتتاي الادى. بۇل ۆاگونداردا تەك ايەل جولسەرىكتەر جۇمىس ىستەيدى.

قىزمەت ىسكە قوسىلعان ساتتەن باستاپ، ايەلدەرگە ارنالعان ۆاگوندارعا شامامەن 342 مىڭ ايەل بيلەت ساتىپ العان. بۇل كورسەتكىش قىزمەتتىڭ جولاۋشىلار اراسىندا سۇرانىسى ارتىپ كەلە جاتقانىن كورسەتەدى.