اۋىل شارۋاشىلىعى ساناعى ونلاين جانە وفلاين تۇردە جۇرگىزىلەتىن بولادى
استانا. KAZINFORM - ۇلتتىق ستاتيستيكا بيۋروسى (ۇ س ب) الداعى اۋىلشارۋاشىلىعى ساناعى ءۇشىن اقپاراتتىق جۇيەلەر مەن قىزمەتتەردى سىناقتان وتكىزۋدە.
ۇكىمەتتە وتكەن كەڭەستە پرەمەر- ءمينيستردىڭ ورىنباسارى سەرىك جۇمانعارينگە پيلوتتىق ساناققا دايىندىق بارىسى جانە باسقا دا اسپەكتىلەر تۋرالى باياندالدى.
ۇ س ب مالىمەتتەرى بويىنشا، پيلوتتىق ساناق 2024 -جىلدىڭ 20-تامىزى مەن 30 -قىركۇيەگى ارالىعىندا وتەدى. رەسپوندەنتتەر ساناق پاراقتارىن sanaq.gov.kz. مامانداندىرىلعان سايتتا ونلاين رەجيمىندە ءوز بەتىنشە تولتىرا الادى. سونىمەن قاتار بيۋرونىڭ اۋماقتىق بولىمشەلەرىنىڭ قىزمەتكەرلەرى پيلوتتىق جوبا ءۇشىن ارنايى تاڭدالعان 54 ەلدى مەكەندەگى شارۋاشىلىق وكىلدەرىنە ىرىكتەپ ساۋالناما جۇرگىزەتىن بولادى.
سونداي-اق جيىندا مال جانە وسىمدىك شارۋاشىلىعى ستاتيستيكاسىن وزەكتەندىرۋ ماسەلەلەرى تالقىلاندى. بۇعان دەيىن حابارلانعانداي، 2023 -جىلعى مال شارۋاشىلىعى بويىنشا دەرەكتەر جاڭارتىلىپ، مامانداندىرىلعان ۇ س ب بيۋللەتەنىندە جاريالانادى. اۋىل شارۋاشىلىعى ۆيتسە-ءمينيسترى ازات سۇلتانوۆ وسىمدىك شارۋاشىلىعىنداعى دەرەكتەردى وزەكتەندىرۋ جالعاسىپ جاتقانىن جانە ونى تامىز ايىندا اياقتاۋ جوسپارلانىپ وتىرعانىن ايتتى.
كەڭەس قورىتىندىسى بويىنشا ۆيتسە-پرەمەر ۇلتتىق ستاتيستيكا بيۋروسىنا اۋىل شارۋاشىلىعى ساناعىن وتكىزۋدىڭ ماقساتتارى مەن ءتارتىبى تۋرالى بويىنشا پيلوتتىق رەجيم باستالۋى قارساڭىندا ءتۇسىندىرۋ جۇمىستارىن كۇشەيتۋدى، سونداي- اق وسىمدىك شارۋاشىلىعى تۋرالى مالىمەتتەردى وزەكتەندىرۋ جۇمىستارىن ساپالى اياقتاۋدى تاپسىردى.
