اۋىل شارۋاشىلىعى: كاسىپكەرلەر 10 جىلعا دەيىن 2,5 پايىزدىق جەڭىلدىكپەن نەسيە الا الادى
استانا. KAZINFORM - اگروونەركاسىپتىك كەشەننىڭ 12 باسىم باعىتى بويىنشا %2,5 جەڭىلدىكپەن بيۋدجەتتىك نەسيە الۋعا بولادى. بۇل تۋرالى ق ر اۋىل شارۋاشىلىعى مينيسترلىگىنىڭ باسپا ءسوز قىزمەتى مالىمدەدى.
قازاقستاننىڭ اگروونەركاسىپتىك كەشەنىن دامىتۋدى ىنتالاندىرۋ، جاڭا وندىرىستىك قۋاتتاردى قۇرۋ نەمەسە جۇمىس ىستەپ تۇرعاندارىن كەڭەيتۋ، سالانىڭ ونىمدىلىگى مەن باسەكەگە قابىلەتتىلىگىن ارتتىرۋ ماقساتىندا قر اۋىل شارۋاشىلىعى مينيسترلىگى اگروونەركاسىپتىك كەشەنى سالاسىنداعى جوبالاردى نەسيەلەندىرۋ ەرەجەسىنە وزگەرىستەر ەنگىزۋ تۋرالى بۇيرىق قابىلدادى»، - دەلىنگەن حابارلامادا.
وزگەرىستەر 12 باعىت بويىنشا جوبالاردى جەڭىلدىكپەن قارجىلاندىرۋدى قامتيدى.
ولاردىڭ قاتارىندا ءسۇت-تاۋار فەرمالارىن، ەت باعىتىنداعى قۇس فابريكالارىن، ەت شارۋاشىلىعى كاسىپورىندارىن، كوكونىس قويمالارىن قۇرۋ جوبالارى بار.
سونداي-اق قازىرگى زامانعى سۋ ۇنەمدەۋ تەحنولوگيالارىن پايدالانا وتىرىپ، سۋارمالى ەگىنشىلىكتى دامىتۋ، ونەركاسىپتىك جىلىجاي كەشەندەرى، جەمىس قويمالارى، بالىق شارۋاشىلىعى، بالىق وڭدەۋ زاۋىتتارى، قۇس شارۋاشىلىعىنداعى اسىل تۇقىمدى رەپرودۋكتورلارى، اۋىل شارۋاشىلىعى ونىمدەرىن ودان ءارى تەرەڭ وڭدەۋ جانە ساقتاۋ كاسىپورىندارى، ونىڭ ىشىندە ءجۇن جانە تەرى، قاپتاما ماتەريالدارىن ءوندىرۋ سالالارى دا مەملەكەتتىك قولداۋعا يە بولادى.
كاسىپكەرلەر 10 جىلعا دەيىن 2,5 پايىزدىق جەڭىلدىكپەن نەسيە قاراجاتىن پايدالانا وتىرىپ، ءوز جوبالارىن جۇزەگە اسىرا الادى. نەسيەنىڭ ەڭ جوعارى سوماسى 5 ميلليارد تەڭگەگە دەيىن.
ەرەجەگە ەنگىزىلگەن وزگەرىستەرمەنە سىلتەمە ارقىلى تانىسا الاسىز.
