ايكانىڭ ءتىزىمى: ەلوردانىڭ پوليتسيا دەپارتامەنتى تەرگەۋ جۇرگىزىپ جاتىر
استانا. KAZINFORM - «ايكانىڭ ءتىزىمى» ءىسى بويىنشا فاكتىلەر تەكسەرىلىپ جاتىر. بۇل تۋرالى سىبايلاس جەمقورللىق قارسى ءىس-قيمىل اگەنتتىگىنىڭ رەسمي وكىلى دانيار بيگايداروۆ ءمالىم ەتتى.
«قىلمىستىق ءىستىڭ استانا قالاسى پوليتسيا دەپارتامەنتىندە تەرگەۋ ساتىسىندا ەكەنىن راستايمىز. قازىرگى ۋاقىتتا اتالعان ءىس بويىنشا بارلىق فاكتى تەكسەرىلىپ جاتىر. تەرگەۋ ناتيجەلەرى بويىنشا قوسىمشا مىندەتتى تۇردە حابارلايمىز»، - دەدى دانيار بيگايداروۆ اگەنتتىكتە وتكەن باسپا ءسوز ءماسليحاتىندا.
ەسكە سالا كەتسەك، بىلتىر جەلتوقساندا ينتەرنەتتە قازاقستاندىق ەسكورت كليەنتتەرىنىڭ جەكە دەرەكتەرى كورسەتىلگەن «ايكانىڭ ءتىزىمى» جاريالاندى. ىشكى ىستەر مينيسترلىگى اقپاراتتىڭ تارالۋى بويىنشا قىزمەتتىك تەرگەۋدى باستادى، الايدا بۇل ءىستى كەيىن سىبايلاس جەمقورلىققا قارسى ءىس-قيمىل اگەنتتىگى قولعا الدى.
اتالعان ىسكە قاتىستى ادىلەت ءمينيسترى ازامات ەسقارايەۆ پىكىر ءبىلدىرىپ، جەكە دەرەكتەردى جاريالاۋعا بايلانىستى جاۋاپكەرشىلىكتى كۇشەيتۋ ماسەلەسىن قاراستىرۋعا بولاتىنىن ايتقان ەدى.
