«ايبوز» ۇلتتىق ادەبي سىيلىعىنا ءوتىنىم قابىلداۋ جالعاسىپ جاتىر
استانا. KAZINFORM - ۇلتتىق ادەبي سىيلىق وتاندىق قالامگەرلەردى مەملەكەتتىك قولداۋ جانە قازاق ادەبيەتىنىڭ دامۋىنا ىقپال ەتۋ ماقساتىندا وتكىزىلەدى.
مادەنيەت جانە اقپارات مينيسترلىگى مالىمەتىنشە، بيىل ءتورتىنشى رەت ۇيىمداستىرىلاتىن ۇلتتىق سىيلىققا «ۇزدىك پروزا»، «ۇزدىك پوەزيا»، «ۇزدىك دراماتۋرگيا»، «ۇزدىك ادەبي اۋدارما» «ۇزدىك بالالار ادەبيەتى»، «ۇزدىك ادەبي سىن»، «ۇزدىك كوميكس» نوميناتسيالارى بويىنشا بۇرىن جاريالانباعان تۋىندىلار قابىلدانادى.
بايقاۋعا وتاندىق جازۋشىلار قاتىسا الادى جانە ۇمىتكەرلەردىڭ جاس ەرەكشەلىگىنە شەكتەۋ جوق.
ادەبي سىيلىقتىڭ جالپى جۇلدە قورى - 35 ميلليون تەڭگە. ءار نوميناتسياعا 5 ميلليون تەڭگەدەن بەرىلەدى.
ءوتىنىم 2025-جىلعى 1-قىركۇيەككە دەيىن www.aiboz.kz سايتى ارقىلى جولدانۋى ءتيىس. ۇلتتىق ادەبي سىيلىق جىل سوڭىندا تابىستالادى. تولىق اقپاراتتى سايتتان بىلە الاسىزدار.
ايتا كەتەيىك، بۇعان دەيىن قازاقستان جازۋشىلار وداعى مەن قازاقستان ۇلتتىق ينجەنەرلىك اكادەمياسى بىرلەسە وتىرىپ «ەڭبەك ادامى - 2025» بايقاۋىن وتكىزەتىنىن حابارلادى.
