اياق باس بارماعى تىرناعىنىڭ دۇرىس وسپەۋىنىڭ 7 سەبەبى

كەيبىر ادامدار اياق باس بارماعىنىڭ تىرناعى دۇرىس وسپەۋىنەن زارداپ شەگىپ جاتادى. تىرناقتىڭ اينالاسى ءىسىپ، قىزارىپ، اۋىرادى، اياق كيىم، شۇلىق كيۋ مۇمكىن بولماي قالادى.

تىرناقتىڭ دۇرىس وسپەۋىنىڭ سەبەبىن دميتريي ۆولكوۆ ءتۇسىندىردى، - دەپ حابارلايدى Massaget.kz ءتىلشىسى «ايا زدوروۆ-قا» سىلتەمە جاساپ.

دارىگەردىڭ ايتۋىنشا، كوپتەگەن ادام تىرناقتىڭ ءتۇبى ءبۇيىر شەتىنە كىرىپ، قيسىق وسەتىنىنە ءمان بەرمەيدى. بۇل قالىپتى، تابيعي قۇبىلىس ەمەس جانە كوپ جاعدايدا سوزىلمالى اۋرۋعا اينالادى.

تىرناقتىڭ دۇرىس وسپەۋىنىڭ سەبەپتەرى:

اياق كيىمنىڭ باس جاعىنىڭ (ساۋساقتار تۇراتىن جاعى) تىم تار بولۋى؛

اياقتىڭ ۆالگۋس دەفورماتسياسى، جالپاق تابان؛

تىرناق روليگىنىڭ قۇرىلىمىنىڭ تۋا بىتكەن ەرەكشەلىكتەرى؛

جۇكتىلىك؛

قانت ديابەتى، ەندوكريندىك اۋرۋلار، ارتىق سالماق، جۇرەك-قان تامىرلارى ماسەلەلەرى؛

تەرى اۋرۋلارى: سۇيەل، قىنا، پسورياز؛

تىرناقتى دۇرىس ەمەس قىسقارتۋ.

دميتري ۆولكوۆ سوزىنشە، تىرناقتى دۇرىس قىسقارتپاۋ ەڭ كوپ تارالعان سەبەپ. ادامدار تىرناقتىڭ وتكىر جيەگىن قالدىرىپ، بۇرىشىن تۇبىمەن الىپ تاستايدى نەمەسە تىرناقتارىن تىم قىسقا ەتىپ قىسقارتادى.

«ساۋساعىڭىزدىڭ قىزارعانىن، اۋىر ىڭعايسىزدىق پايدا بولعانىن بايقاعاننان كەيىن شۇعىل مەديتسينالىق كومەككە جۇگىنىڭىز. ءوز بەتىڭىزشە ەمدەۋگە تىرىسپاڭىز، ول تىرناقتىڭ قابىنۋى مەن جاعدايدىڭ اسقىنۋىنا اكەلۋى مۇمكىن، مۇنداي جاعدايدا تىرناقتى تولىعىمىن جۇلىپ تاستاۋعا تۋرا كەلەدى»، - دەپ ەسكەرتتى حيرۋرگ سەرگەي بەرەگوۆ.