«ۇماي» يپوتەكاسى قاشان باستالاتىنى بەلگىلى بولدى

بۇعان دەيىن «وتباسى بانك» ازيا دامۋ بانكىمەن (ا د ب) «ۇماي» جانە «جاسىل يپوتەكا» اتتى ەكى يپوتەكالىق باعدارلامانى ىسكە قوسۋ تۋرالى كەلىسىمگە قول قويعان بولاتىن. ا د ب بۇل جوبالارعا 90 ميلليارد تەڭگە بولەدى.

«ءوتىنىش قابىلداۋ 31-تامىزدا باستالادى. قارجىلاندىرۋ كەزەڭ-كەزەڭىمەن جۇزەگە اسىرىلادى. توعىز ميلليارد تەڭگە كولەمىندەگى العاشقى ترانش «وتباسى بانككە» اۋدارىلدى. مولشەرلەمە - جىلدىق 14,8 پايىز (ج ت س م 16,3 پايىزدان 16,8 پايىزعا دەيىن). وزگە جىلجىمايتىن مۇلىك بولۋى شەكتەۋ ەمەس. باعدارلاما تىركەۋگە قاراماستان بۇكىل قازاقستان بويىنشا وتكىزىلەدى»، - دەدى بانك وكىلدەرى.

«ۇماي» ايەلدەر يپوتەكاسى بويىنشا مىناداي پاتەرلەردى ساتىپ الۋعا بولادى:

باستاپقى نارىقتان؛

تۇرعىن ءۇي كومپانياسىنىڭ كەپىلدىگىمەن نەمەسە ساقتاندىرۋ قۇرالىن پايدالانىپ، ۇلەستىك قاتىسۋ شارتى بويىنشا قۇرىلىس ساتىسىنداعى ۇيلەردەن؛

ءۇي 2016-جىلدان ەرتە سالىنباعان بولسا، قايتالاما نارىقتان.

ايەلدەر يپوتەكاسىنىڭ شارتتارى:

العاشقى جارنا ءىرى قالالاردا 20 پايىزدان، وڭىرلەردە 15 پايىزدان باستالادى.

قارىزدىڭ ەڭ جوعارى سوماسى 50 ميلليون تەڭگەگە دەيىن.

نەسيە مەرزىمى 6 ايدان 10 جىلعا دەيىن.

العاشقى جارنا ءۇشىن زەينەتاقى جيناعىن پايدالانۋعا؛

ەكى ورتاق قارىز الۋشىعا دەيىن تارتۋعا بولادى.