19:11, 08 - مامىر 2024 | GMT +6
اتىراۋدا اسكەري بولىمنەن قارۋ الىپ شىققان سارباز قاماۋعا الىندى
اتىراۋ. KAZINFORM - اتىراۋدا اسكەري بولىمنەن قارۋ الىپ شىققان سارباز قاماۋعا الىندى. اتىراۋ وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، ۇستالعان سارباز ۋاقىتشا ۇستاۋ يزولياتورىنا قامالعان.
«باتىس وڭىرلىك اسكەري تەرگەۋ باسقارماسى اسكەري بولىمنەن قارۋ الىپ شىققان مەرزىمدى قىزمەتتەگى ساربازعا قاتىستى قىلمىستىق ءىس قوزعادى. كۇدىكتى ۇستالىپ، ۋاقىتشا ۇستاۋ يزولياتورىنا قاماۋعا الىندى»، - دەپ حابارلادى دەپارتامەنتتىڭ باسپا ءسوز قىزمەتى.
قازىر تەرگەۋ ءجۇرىپ جاتىر. وزگە اقپارات تەرگەۋ مۇددەسىنە سايكەس جاريالاۋعا جاتپايدى.
ەسكە سالا كەتەلىك، بۇدان بۇرىن اتىراۋدا سارباز اسكەري بولىمنەن قارۋ الىپ شىققانى حابارلانعان بولاتىن.
