اتىراۋ وبلىسىنداعى «ديماش توبە» تاريحي- مادەني كەشەنى قاشان اشىلادى
اتىراۋ. KAZINFORM - اتىراۋ وبلىسىندا 2023 -جىلعى قاراشادا «ديماش توبە» تاريحي- مادەني كەشەنىنىڭ قۇرىلىسى باستالعان ەدى.
«ديماش توبە» اتالاتىن جەر يندەر اۋدانىنان قىزىلقوعا اۋدانىنا قاتىنايتىن جولدىڭ بويىندا ورنالاسقان. اۋدان ورتالىعى - يندەربور كەنتىمەن ارالاعى - 8 شاقىرىم.
يندەر اۋداندىق قۇرىلىس ءبولىمىنىڭ باسشىسى دارىن ءىلياسوۆتىڭ ايتۋىنشا، تاريحي- مادەني كەشەندە تۇرىندەگى ارحەولوگيالىق جادىگەرلەر، مينەرال تاستار جيناقتالادى.
- تاريحي-مادەني كەشەننىڭ اۋماعى 1 مىڭ 750 شارشى مەتر. قۇرىلىستى «س ك ليرا» ج ش س جۇرگىزىپ جاتىر. قازىر قۇرىلىس جۇمىستارىنىڭ باسىم بولىگى اتقارىلدى. جۇمىسقا 12 جۇمىسشى مەن 4 ارنايى تەحنيكا تارتىلدى. جوبانىڭ اۆتورلىق قاداعالاۋىنا «سپەتسسترويسوگلاسوۆانيە» ج ش س مىندەتىنە الدى. ال، «Caspian Alliance Kazakhstan» ج ش س تەحنيكالىق باقىلاۋ جۇرگىزىپ وتىر كەشەننىڭ قۇرىلىسى شىلدە ايىندا تولىق اياقتالادى، - دەيدى دارىن ءىلياسوۆ.
ونىڭ پىكىرىنشە، كەشەننىڭ اۋماعىنا دوعا پىشىندەس ماڭدايشا ورناتىلىپ، «ديماش توبە» اتاۋى جازىلادى. سول جاعىنا تاريحي فوتوسۋرەت، وڭ جاعىنا كەشەن تۋرالى اقپاراتتىق تاقتا ورناتىلادى.
- كەشەنگە قازبا بايلىقتار مەن رۋدالار سالىنعان تاس جاشىكتەر، 2 ۇلكەن كۇمبەزدى كومپوزيتسيا قويىلادى. بۇل كەشەن - يندەر اۋدانىنىڭ تاريحي ەرەكشەلىگىن تانىتاتىن، تۋريستەردى تارتۋعا ىقپال ەتەتىن جاڭا نىسان بولادى. جوبا اياقتالعان سوڭ كەشەن وڭىرلىك تۋريستىك كارتاعا ەنگىزىلەدى، - دەدى دارىن ءىلياسوۆ.
ەسكە سالا كەتەلىك، بۇعان دەيىن اتىراۋدا دىنمۇحامەد قونايەۆ ايالداعان جەردە اشىق اسپان استىنداعى مۇراجاي اشىلاتىنىن جازعان ەدىك.
