اتىراۋ وبلىسىندا پىشاقتالعان 4 ادامنىڭ بىرەۋى اۋرۋحانادا كوز جۇمدى
اتىراۋ. KAZINFORM - اتىراۋ وبلىسىندا 4 ادام پىشاق جاراقاتىمەن اۋرۋحاناعا جەتكىزىلگەن. الايدا، ونىڭ بىرەۋى اۋرۋحانادا كوز جۇمدى.
اتىراۋ وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، وقيعا بۇگىن، 15-ساۋىردە بولعان.
«ماقات اۋداندىق پوليتسيا ءبولىمىنىڭ 102 ارناسىنا 2 ادامنىڭ جانجالداسىپ تۇرعانى تۋرالى حابار ءتۇستى. اۋداندىق اۋرۋحاناعا 1987-جىلعى 4 ادام ءتۇرلى دەنە جاراقاتىمەن جەتكىزىلدى. تورتەۋى دە - اتالعان اۋداننىڭ تۇرعىندارى. زارداپ شەككەن ادامنىڭ بىرەۋى دەنە جاراقاتىنىڭ سالدارىنان اۋرۋحانادا قايتىس بولدى» دەپ حابارلادى دەپارتامەنتتىڭ باسپا ءسوز قىزمەتى.
قازىر اتالعان وقيعاعا قاتىسى بار دەگەن كۇدىكپەن 2003-جىلعى جىگىت انىقتالعان.
كۇدىكتىگە قاتىستى قىلمىستىق كودەكستىڭ 106-بابىنىڭ 3-بولىگىمەن قىلمىستىق ءىس تىركەلىپ وتىر.
سوتقا دەيىنگى تەرگەپ-تەكسەرۋ باستالدى.
ەسكە سالا كەتەلىك، بۇعان دەيىن اتىراۋ پوليتسەيلەرى موپەد جۇرگىزۋشىسىن ۇستاۋ كەزىندە قۇلاتىپ العانىن حابارلاعان ەدىك.
