08:23, 03 - مامىر 2024 | GMT +6
اتىراۋ وبلىسىندا بوگەت سالىپ جۇرگەن ەرىكتىنىڭ ءبىرىن سارىشايان شاعىپ الدى
اتىراۋ. KAZINFORM - اتىراۋ وبلىسىندا بوگەت سالىپ جۇرگەن ەرىكتىنىڭ ءبىرىن سارىشايان شاعىپ الدى. توتەنشە جاعدايلار مينيسترلىگىنىڭ مالىمەتىنشە، سارىشايان شاققان ەرىكتىگە شۇعىل كومەك كورسەتىلگەن.
«سارىشايان ەرىكتىنىڭ سول قولىن شاعىپ الدى. ەرىكتىگە شىمكەنت قالالىق توتەنشە جاعدايلار دەپارتامەنتىنە قاراستى «اپاتتار مەديتسيناسى ورتالىعى» مەملەكەتتىك مەكەمەسىنىڭ قۇتقارۋشى-دارىگەرلەرى شۇعىل كومەك كورسەتتى. زارداپ شەگۋشى جەدەل جاردەم كولىگىمەن اتىراۋ قالاسىنداعى اۋرۋحاناعا جەتكىزىلدى»، - دەپ حابارلادى توتەنشە جاعدايلار مينيسترلىگىنەن.
ەسكە سالا كەتەلىك، بۇدان بۇرىن اتىراۋ وبلىسىندا سۋ تاسقىنىنا دايىندىق قالاي جۇرگىزىلگەنىن حابارلاعان بولاتىنبىز.
سونداي-اق، ماحامبەت اۋدانىندا جايىق وزەنىنىڭ دەڭگەيى 8 مەتردەن استى.
اۆتور
جولداسبەك شوپەعۇل
