اتىراۋ وبلىسىندا 15 قويدى كولىك باسىپ كەتتى

 اتىراۋ وبلىسىندا رەسپۋبليكالىق تاس جولدا قاراۋسىز ءۇي جانۋارلارىنىڭ قاتىسۋىمەن 9 ايدا 94 جول- كولىك وقيعاسى تىركەلگەن. اقتوبە- اتىراۋ- استراحان تاس جولىنىڭ بويىندا 15 قويدى كولىك قاعىپ كەتتى، دەپ حابارلايدى Kazinform. 

Жол
Фото: Фото: ҚазАқпарат

اتىراۋ وبلىستىق پوليتسيا دەپارتامەنتى جانىنداعى پاترۋلدىك پوليتسيا روتاسىنىڭ كومانديرى ادىلبەك شاحمەتوۆتىڭ ايتۋىنشا، وقيعا كەشە، 14-قازاندا بولعان.

- جەرگىلىكتى ۋاقىتپەن ساعات تاڭعى 06:45 شاماسىندا رەسپۋبليكالىق ماڭىزى بار اقتوبە- اتىراۋ- استراحان تاس جولىنىڭ 352-شاقىرىمى تۇسىندا Toyota Ipsum اۆتوكولىگى 15 قويدى قاعىپ، جول-كولىك وقيعاسى تىركەلدى. تەكسەرۋ جۇمىستارى كەزىندە 1969 -جىلعى ازامات قويلارىن تاس جولدى مال وتۋگە ارنالماعان تۇسىنان قيىپ وتكىزبەك بولعانى انىقتالدى. سوعان بايلانىستى مال يەسىنە قاتىستى ق ر اكىمشىلىك قۇقىق بۇزۋشىلىق تۋرالى كودەكسىنىڭ 408-بابىمەن اكىمشىلىك حاتتاما تولتىرىلىپ، جاۋاپقا تارتىلدى، - دەپ حابارلادى ادىلدەك شاحمەتوۆ.

ونىڭ ايتۋىنشا، Toyota Ipsum اۆتوكولىگى قىزىلقوعا اۋدانىنىڭ ورتالىعى - ميالى اۋىلىنان اتىراۋ قالاسىنا باعىت العانى انىقتالىپ وتىر.

- كولىك جۇگىزۋشىسىنە ميالى اۋىلىنان شىعار كەزدە قىزىلقوعا اۋداندىق پوليتسيا ءبولىمىنىڭ پاترۋلدىك پوليتسيا قىزمەتكەرلەرى جول قوزعالىسى ەرەجەلىن قاتاڭ ساقتاۋ قاجەتتىگىن ەسكەرتكەن. الايدا، كولىك جۇرگىزۋشىسى پوليتسيا قىزمەتكەرلەرىنىڭ ەسكەرتۋىن ەلەمەي، جول-كولىك اپاتىنا سەبەپشى بولعان، - دەپ ءمالىم ەتتى ادىلبەك شاحمەتوۆ.

ەسكە سالا كەتەلىك، بۇدان بۇرىن اتىراۋدا ءبىر ايدا ايىپپۇلىن تولەمەي جۇرگەن 1 مىڭ جۇرگىزۋشى ۇستالعانىن جازعان ەدىك.

اۆتور

جولداسبەك شوپەعۇل

سوڭعى جاڭالىقتار