اتىراۋ تۇرعىندارىنا ءتۇتىن مەن ىستىڭ يىسىنە بايلانىستى كوشەگە شىقپاۋ ەسكەرتىلدى

اتىراۋ. KAZINFORM - اتىراۋدا «اقجايىق» تابيعي رەزەرۆاتىنداعى قامىس ءورتىنىڭ سالدارىنان ىستىڭ ءيىسى كۇشەيىپ تۇر. قازىر مۇنايلى شاھاردى ءتۇتىن تۇمشالاپ تۇر.

اتىراۋ تۇرعىندارى ىستىڭ يىسىنە شاعىمدانىپ جاتىر. الەۋمەتتىك جەلىدە «اتىراۋىم، كوك ءتۇتىن»، «قامىس جانعان كەزدە قاۋىپتى»، «تۇنشىعىپ، ولەتىن بولدىق قوي» دەپ جازىپ جاتىر.

اتىراۋ وبلىستىق توتەنشە جاعدايلار دەپارتامەنتىنىڭ يميدجدىك جۇمىس جانە سىرتقى كوممۋنيكاتسيالار توبىنىڭ مالىمەتىنشە، اۋەدەن بارلاۋ جۇرگىزۋ جانە ءورتتى ءسوندىرۋ ءۇشىن دەپارتامەنت قىزمەتكەرلەرى «قازاۆياقۇتقارۋ» ا ق سۋ توگۋ قۇرىلعىسى بار م ي-8 تىكۇشاعىمەن قىزمەتكەرلەرى ۇشىپ شىقتى. ءورتتى سوندىرۋگە 82 ادام، 17 تەحنيكا تارتىلعان.

- قازىر ءورتتىڭ ەلدى مەكەندەرگە تارالۋ قاۋپى جوق. جەلدىڭ سالدارىنان قالادا ءتۇتىن بار. ىستىڭ ءيىسى سەزىلىپ تۇر. اتىراۋ قالاسىنىڭ تۇرعىندارى مەن قوناقتارىنان قاۋىپسىزدىك ماقساتىندا كوشەگە شىعۋدان ۋاقىتشا باس تارتۋدى، تەرەزەلەر مەن ەسىكتەردى جاۋىپ، بالالاردى نازاردان تىس قالدىرماۋدى سۇرايمىز، - دەپ ءمالىم ەتتى دەپارتامەنتتىڭ يميدجدىك جۇمىس جانە سىرتقى كوممۋنيكاتسيالار توبىنان.

ەسكە سالا كەتەلىك، بۇدان بۇرىن اتىراۋدى «اقجايىق» تابيعي رەزەرۆاتىنداعى قامىس ءورتىنىڭ ءتۇتىنى باسقانىن جازعان بولاتىنبىز.

كەيىن «اقجايىق» تابيعي رەزەرۆاتىنداعى قامىس ءورتى 3 تاۋلىكتەن سوڭ سوندىرىلگەنىن حابارلاعان ەدىك.

اۆتور

جولداسبەك شوپەعۇل