اتىراۋ ستۋدەنتتەرى كونستيتۋتسيانى جاتقا ايتۋدان سايىسقا ءتۇستى
اتىراۋ. KAZINFORM - كونستيتۋتسيا كۇنى قارساڭىندا اتىراۋ ستۋدەنتتەرى اراسىندا «مەن كونستيتۋتسيانى جاتقا بىلەمىن» كونكۋرسى ءوتتى.
كونكۋرستى ح. دوسمۇحامەدوۆ اتىنداعى اتىراۋ ۋنيۆەرسيتەتى ۇيىمداستىردى. وعان وقۋ ورنىنىڭ اقىلى بولىمىندە وقيتىن 20 دان استام ستۋدەنت قاتىستى.
«بۇل كونكۋرستى جىل سايىن وتكىزىپ كەلەمىز. ماقساتىمىز - جاستاردىڭ قۇقىقتىق ساۋاتىن ارتتىرىپ، كونستيتۋتسيانى جاتقا بىلۋىنە ىقپال ەتۋ. ويتكەنى، ءار ادام ءوزىنىڭ كونستيتۋتسيالىق قۇقىعىن ءبىلۋى ءتيىس»، - دەيدى وبلىستىق ادىلەت دەپارتامەنتىنىڭ مامانى ايگۇل ءانجانوۆا.
قاتىسۋشىلار العاشقى كەزەڭدە 25 سۇراققا جاۋاپ بەرگەن. بۇدان سوڭ ستۋدەنتتەردەن اتا زاڭنىڭ باپتارىن جاتقا ايتتى.
كوميسسيا مۇشەلەرى وقۋ اقىسىنا 30 پايىز جەڭىلدىك ۇسىنىلعان ءۇشىنشى ورىندى قۇقىقتانۋ ماماندىعىنىڭ ستۋدەنتى نۇرسەيىت سابىرعاليعا بەرۋدى ۇيعاردى. ال، 50 پايىز جەڭىلدىگى بار ەكىنشى ورىنعا قىلمىستىق- قۇقىقتىق پاندەر كافەدراسىنىڭ ستۋدەنتى گۇلناز ەركىنوۆا يە بولدى. ۋنيۆەرسيتەتتە تەگىن وقۋعا مۇمكىندىك بەرەتىن باس جۇلدەنى 4 كۋرس ستۋدەنتى، بىلتتىرعى كونكۋرستىڭ جەڭىمپازى جاڭگىر تەمىرحانوۆ جەڭىپ الدى.
«ءبىرىنشى تەكستىلەۋدە 19 بالل جينادىم. ەكىنشى كەزەڭدە ءبىلىمدى بارىنشا كورسەتۋگە تىرىستىم. قازىلار القاسىنىڭ شەشىمىمەن ەكىنشى ورىنعا يە بولدىم. وقۋ اقىسىنا 50 پايىز جەڭىلدىك الۋعا سەرتيفيكات بەردى. بۇل - مەن ءۇشىن ۇلكەن قولداۋ، مەنىڭ وتباسىم ءۇشىن ۇلكەن قۋانىش»، - دەيدى گۇلناز ەركىنوۆا.
ەسكە سالا كەتەلىك، بۇدان بۇرىن اتىراۋلىق تۇلەكتەرلەرگە وبلىس اكىمىنىڭ 148 ءبىلىم گرانتى بولىنگەنىن حابارلاعان ەدىك.
