اتوم ەنەرگەتيكاسىنان وندىرىلەتىن ەلەكتر ەنەرگياسىنىڭ قۇنى قانشا بولماق
استانا. KAZINFORM - اتوم ەنەرگەتيكاسى جونىندەگى اگەنتتىك ا ە س- تەن وندىرىلەتىن ەلەكتر ەنەرگياسىنىڭ قۇنى ج ە و مەن ج ە س- تەن الىناتىن ەلەكتر ەنەرگياسىنا قاراعاندا جوعارى بولاتىنىن ءمالىم ەتتى.
- بولاشاق اتوم ستانساسى وندىرەتىن ەلەكتر ەنەرگياسىنا ارنالعان تاريف جوبانىڭ تۇپكىلىكتى قۇنىنا، پايدالانۋعا ارنالعان وپەراتسيالىق شىعىندارعا، تارتىلعان زاەم قاراجاتىنىڭ قۇنىنا جانە قارجىلاندىرۋدىڭ وزگە دە پارامەترلەرىنە تىكەلەي بايلانىستى بولادى. قازىرگى ۋاقىتتا بۇل باعىتتاعى ەسەپتەۋلەر ۆەدومستۆوارالىق دەڭگەيدە جالعاسىپ جاتىر. تاريف جۇمسالعان شىعىندى وتەۋ كەزەڭىندە كومىرمەن جۇمىس ىستەيتىن قولدانىستاعى ج ە و مەن جەس ەلەكتر ەنەرگياسىنا قاراعاندا جوعارى بولاتىنى انىق. ويتكەنى، ول ستانسالار ونداعان جىل بۇرىن سالىندى جانە ولاردىڭ كۇردەلى شىعىستارى بۇگىندە تولىقتاي امورتيزاتسيالاندى، - دەدى اگەنتتىكتەن ب ا ق وكىلدەرىنىڭ ساۋالىنا وراي.
اگەنتتىك مالىمەتىنشە، جۇمسالعان شىعىندى وتەۋ كەزەڭى اياقتالعاننان كەيىن ا ە س- تەن الىناتىن ەلەكتر ەنەرگياسىنىڭ قۇنى گاز نەمەسە كومىرمەن جۇمىس ىستەيتىن ستانسالاردان الىناتىن ەلەكتر ەنەرگياسى قۇنىمەن تەڭەسەدى، ءتىپتى ودان تومەن دە بولۋى مۇمكىن.
- اتوم گەنەراتسياسى وتىن نارىعىنداعى قۇبىلمالىققا تاۋەلدى ەمەس جانە سوعان وراي ۇزاقمەرزىمدى باعا تۇراقتىلىعىن قامتاماسىز ەتەدى. ا ە س قىزمەتىنىڭ جوبالىق مەرزىمى 60 جىلدان اسادى. تاريفتىڭ تۇپكىلىكتى پارامەترى بارلىق ەسەپتەۋ اياقتالىپ، كەلىسىم جاسالعاننان كەيىن جاريالانادى، - دەدى ۆەدومستۆودان.
بۇعان دەيىن «روساتوم» كومپانياسى قازاقستانداعى العاشقى اتوم ەلەكتر ستانتسياسىن سالۋ جوباسى بويىنشا حالىقارالىق كونسورتسيۋمنىڭ كوشباسشىسى رەتىندە انىقتالعانىن جازعان ەدىك.
سونىمەن قاتار اتوم ەنەرگەتيكاسى جونىندەگى اگەنتتىك ءتوراعاسى الماسادام ساتقاليەۆ قازاقستانداعى تاعى ءبىر ا ە س- ءتى قىتايلىق ۆەندەر سالاتىنىن ءمالىم ەتتى.
