ۆاتساپ حابارلامالاردى اۆتوماتتى تۇردە اۋدارۋدى ەنگىزەدى
استانا. قازاقپارات - WhatsApp بارلىق چاتتاعى حابارلامالاردى اۋدارۋ مۇمكىندىگىمەن جۇمىس ىستەۋدە. قازىرگى ۋاقىتتا فۋنكتسيا Android وپەراتسيالىق جۇيەسى بار قۇرىلعىلار ءۇشىن تەكسەرىلىپ جاتىر. بۇل تۋرالى WABetaInfo پروفيلدىك سايتىندا حابارلانعان.
پايدالانۋشىلار قابىلدانعان حابارلامالاردى 6 تىلگە، سونىڭ ىشىندە ورىس، اعىلشىن، اراب، يسپان، پورتۋگال جانە حيندي تىلدەرىنە اۋدارا الادى.
- پايدالانۋشىلار تاڭدالعان حابارلامانى اۋدارا الادى. بۇل پروتسەس جەدەل تۇردە تۇردە جۇزەگە اسىرىلادى. ءتىل تاڭدالعان سوڭ WhatsApp پايدالانۋشىعا اۋدارماعا قاجەتتى ءتىل بۋماسىن جۇكتەپ الۋدى ۇسىنادى. اۋدارما جاسالعاننان كەيىن حابارلامانىڭ ءساتتى اۋدارىلعانىن كورسەتەتىن جاڭا بەلگى پايدا بولادى، - دەلىنگەن حابارلامادا.
ايتا كەتەيىك، قۇپيالىلىق ماقساتىندا شيفرلاۋ ۇزدىكسىز جۇرگىزىلەدى جانە ەشبىر اقپارات قۇرىلعىدان تىس تاسىمالدانبايدى. قازىرگى كەزدە حابارلاردى باسقا تىلگە اۆتوماتتى تۇردە اۋدارۋ مۇمكىندىگى ازىرلەنىپ جاتىر. بۇل WhatsApp-تاعى اۋدارما پروتسەسىن جاقسارتۋعا باعىتتالعان.
