پاتشانىڭ قويىن باعاتىن شوپان كەرەك: ۇلى بريتانياداعى كورولدىك فەرماعا جۇمىسشى ىزدەيدى
استانا. KAZINFORM - چارلز III ءتىڭ سۇيىكتى دەمالىس ورنى ساندرينگەمدەگى فەرمادا 2000 عا جۋىق قوي بار. ساندرينگەم سارايىنىڭ سايتىندا جاڭا بوس ورىن پايدا بولدى: چارلز III ءتىڭ مەنشىگىندەگى كورولدىك قويلارىن باعۋعا جاڭا تاجىريبەلى شوپان ىزدەپ جاتىر.
بوس ورىن تۋرالى حابارلاماعا سايكەس، ساندرينگەمدەگى فەرما 200 گەكتاردان استام جايىلىمدى قامتىپ، قوي مەن ءىرى قارا مال وسىرەدى. وندا 2000 عا جۋىق پاتشا قويى بار.
ۇلى بريتانيا ازاماتتارىنىڭ وسى لاۋازىمعا ءوتىنىش بەرۋ ءۇشىن كەمىندە ەكى جىلدىق ءتيىستى تاجىريبەسى، جۇرگىزۋشى كۋالىگى جانە جەكە ءيتى بولۋى كەرەك.
«مال شارۋاشىلىعىنا قۇمار، كوكىرەگى وياۋ، ءبىلىم مەن وسۋگە بەيىم ۇمىتكەرلەرگە» باسىمدىق بەرىلەدى. ءوتىنىش بەرۋشى «جانۋارلاردىڭ ەڭ جوعارى ستاندارتتارىن ساقتاي الاتىن» بولۋى كەرەك.
جۇمىستىڭ نەگىزگى بولىگى كۇن سايىن مال باعۋ، سونىمەن قاتار قىس پەن كوكتەم ايلارىندا تابىندى ۇستاۋعا كومەكتەسۋ. وتىنىمدەردى بەرۋدىڭ سوڭعى مەرزىمى - 27 قىركۇيەك.
ساندرينگەم - كورول چارلز III مەن ۇلى بريتانيا پاتشايىمى كاميللانىڭ سۇيىكتى دەمالىس ورنى. 2019 -جىلى چارلز حانزادا بولعان كەزدە قالا سىرتىنداعى فەرمادا مال سانىن كوبەيتۋدى بۇيىردى. ول فەرمانى 2022 -جىلدىڭ قىركۇيەگىندە اناسى پاتشايىم ەليزاۆەتا II قايتىس بولعاننان كەيىن مۇرا رەتىندە مەنىشىگىنە العان.
