اتاۋلى الەۋمەتتىك كومەك تەك قانا مۇقتاج جاندارعا تاعايىندالادى
استانا. KAZINFORM - ەلىمىزدە اتاۋلى الەۋمەتتىك كومەك تەك مۇقتاج ادامدارعا عانا تاعايىندالادى. بۇل تۋرالى ق ر ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا ايتىپ بەردى.
مينيستر ۇكىمەتتىڭ كەڭەيتىلگەن وتىرىسىندا مەملەكەت باسشىسى الەۋمەتتىك كومەكتىڭ تيىمدىلىگىن ارتتىرۋ مەن قايتا قاراۋدى تاپسىرعانىن ەسكە سالدى.
وسىعان بايلانىستى، سۆەتلانا جاقىپوۆانىڭ ايتۋىنشا، وتباسىنىڭ سيفرلىق كارتاسىن جانە مەملەكەتتىك جانە مەملەكەتتىك ەمەس ۇيىمداردىڭ جۇيەلەرى مەن جاڭا ينتەگراتسيالاردى پايدالانىپ، ا ا ك- ءتى تولىق ترانسفورماتسيالاۋ جوسپارلانعان. بۇل قولما- قول اقشانىڭ اتاۋلىلىعى مەن ماقساتتى جۇمسالۋىن قامتاماسىز ەتۋ ءۇشىن الەۋەتتى كومەك الۋشىلاردى جانە بيۋدجەت شىعىنىن ايقىنداۋعا مۇمكىندىك بەرەدى.
«مۇقتاج وتباسىلارعا، ونىڭ ىشىندە كوپبالالى وتباسىلارعا كەشەندى قولداۋ كورسەتۋدىڭ ناقتى رەگلامەنتى ازىرلەنەدى. ونىڭ قۇرامىنا ا ا ك جانە باسقا دا قولداۋ شارالارى كىرەدى. ااك ترانسفورماتسياسىنىڭ بارلىق پروتسەستەرىندە ادام فاكتورىن بولدىرماۋ ءۇشىن تسيفرلاندىرۋ نەگىزگى كومپونەنت بولادى. وسىلايشا، الەۋمەتتىك كومەك تەك مۇقتاج وتباسىلارعا عانا كورسەتىلەۋىن كۇتەمىز»، - دەدى مينيستر.
2023 -جىلى اتاۋلى الەۋمەتتىك كومەك 114,1 مىڭ وتباسىنداعى 598,4 مىڭ ادامعا تاعايىندالعان. وسى ماقساتقا بيۋدجەتتەن 57,4 ميلليارد تەڭگە جۇمسالعان.
