اپتاپ ىستىق، جاڭبىر: 23-ماۋسىمعا ارنالعان اۋا رايى بولجامى
استانا. KAZINFORM - «قازگيدرومەت» ر م ك 23-ماۋسىمعا ارنالعان اۋا رايىنىڭ بولجامىن جاريالادى.
سينوپتيكتەردىڭ بولجامىنا سايكەس، ەلىمىزدە اۋا رايى تۇراقسىز بولادى.
«ق ر اۋماعىنىڭ باسىم بولىگىندە ءالى دە تۇراقسىز اۋا رايى سيپاتى ساقتالادى، اتموسفەرالىق فرونتتالدى بولىكتەردىڭ وتۋىنە بايلانىستى نايزاعاي ويناپ، جاڭبىر جاۋادى، ەلىمىزدىڭ باتىسىندا قاتتى جاڭبىر جاۋىپ، بۇرشاق تۇسەدى، قاتتى جەل سوعادى دەپ كۇتىلەدى. سونداي-اق رەسپۋبليكا بويىنشا ورتاق تابيعي قۇبىلىس - جەلدىڭ ەكپىن الۋى»، - دەلىنگەن حابارلامادا.
كۇندىز اباي، جەتىسۋ، ۇلىتاۋ، الماتى، جامبىل وبلىستارىندا اپتاپ ىستىق ساقتالادى، پاۆلودار، قاراعاندى وبلىستارىندا قاتتى ىستىق بولادى دەپ بولجانادى.
اقتوبە، الماتى وبلىستارىندا، ۇلىتاۋ ءوڭىرىنىڭ سولتۇستىگىندە، شىعىسىندا، اباي وبلىسىنىڭ سولتۇستىگىندە، باتىسىندا، ورتالىعىندا، قاراعاندى ءوڭىرىنىڭ سولتۇستىگىندە، ورتالىعىندا، باتىس قازاقستا وبلىسىنىڭ باتىسىندا، اقمولا ءوڭىرىنىڭ وڭتۇستىگىندە، شىعىس قازاقستان وبلىسىنىڭ باتىسىندا، سولتۇستىك-شىعىسىندا، ماڭعىستاۋ ءوڭىرىنىڭ سولتۇستىگىندە، شىعىسىندا، جەتىسۋ وبلىسىنىڭ شىعىسىندا، ورتالىعىندا، پاۆلودار وبلىسىندا ءورت قاۋپى جوعارى بولادى. اتىراۋ وبلىسىنىڭ باتىسىندا دا ءورت قاۋپى جوعارى.
اتىراۋ، تۇركىستان، جامبىل، قىزىلوردا، الماتى وبلىستارىنىڭ سولتۇستىك بولىگىندە، ۇلىتاۋ، باتىس قازاقستان وبلىستارىنىڭ وڭتۇستىگىندە، اقتوبە ءوڭىرىنىڭ باتىسىندا، وڭتۇستىگىندە، قوستاناي، قاراعاندى وبلىستارىنىڭ وڭتۇستىگىندە جانە اباي، جەتىسۋ وبلىستارىنىڭ شىعىسىندا، سولتۇستىگىندە، وڭتۇستىك-شىعىسىندا، ماڭعىستاۋ وبلىسىنىڭ ورتالىعىندا توتەنشە ءورت قاۋپى ساقتالادى.
