اسىراپ العان بالالارىن قورلاعان ەمشىنىڭ ءىسىن قارايتىن سۋديا بەلگىلى بولدى

شىمكەنت. KAZINFORM - شىمكەنتتە قامقورشىلىققا جانە اسىراپ العان بالالارىنا قاتىگەزدىك تانىتتى دەگەن ايىپ تاعىلعان جەرگىلىكتى ەمشىگە قاتىستى قىلمىستىق ءىستى كامەلەتكە تولماعاندار ىستەرى جونىندەگى مامانداندىرىلعان اۋدانارالىق سوتى ءتوراعاسىنىڭ مىندەتىن ۋاقىتشا اتقارۋشى بولات قارابايەۆ قارايتىن بولدى.

Қатыгез емші
Коллаж Kazinform

قالالىق سوتتىڭ مالىمەتىنشە، العاشقى سوتىرىس 18-ماۋسىمعا بەلگىلەنگەن. سوت پروتسەسى جابىق وتەدى.

بۇعان دەيىن شىمكەنتتە جەرگىلىكتى ەمشىنىڭ 6 بالانى قامقورلىققا الىپ، ولارعا يت پەن مىسىقتىڭ ەتىن بەرگەنىن، مال باقتىرىپ، ءۇش جىلدان بەرى ازاپتاپ كەلگەنىن جازعان بولاتىنبىز.

ەمشى ىسىنەن سوڭ ءبىلىم سالاسىنىڭ ءبىرقاتار قىزمەتكەرى جازالاندى.

بۇدان وزگە Kazinform رەداكسياسىنا ەمشى اسىراپ العان بالالار تۋرالى تىڭ دەرەك كەلىپ ءتۇستى.

ونداعى مالىمەتتە بۇلدىرشىندەردىڭ ءبىرى اتالعان وتباسىنا نەبارى 1,5 ايلىعىندا قامقورلىققا بەرىلگەنى كورسەتىلگەن.

اسىراپ الىنعان بالالاردىڭ اراسىندا ءۇش ايلىق ەگىز دە بار.

وتكەن اپتادا قوعامدىق رەزونانس تۋدىرعان ءىس سوتقا كەلىپ ءتۇستى.

سوڭعى جاڭالىقتار