اسىراپ العان بالالارىن قورلاعان ەمشىنىڭ 31 جىل بۇرىن ادام ولتىرگەنى راستالدى

شىمكەنت. KAZINFORM - شىمكەنتتە قامقورلىعىنا جانە اسىراپ العان بالالارىنا جاۋىزدىق تانىتقان ەمشىنىڭ بۇعان دەيىن ادام ولتىرگەنى راستالدى. سونداي-اق ول پسيحيكالىق اۋىتقۋمەن ەسەپتە تۇرعان.

жадыра
Фото: Жансая Тәуекелқызы/Kazinform

ەمشى ىسىنە قاتىستى جابىق سوت پروتسەسى ءوتىپ جاتىر.

سوت وتىرىسىنا كەلگەن قالالىق ءبىلىم باسقارماسى قورعانشىلىق جانە قامقورشىلىق ءبولىمىنىڭ مامانى جادىرا توعىسبەكوۆا تىلشىلەرگە بەرگەن سۇحباتىندا ەر كىسى بالا اسىراپ الماس بۇرىن جۇبايى ەكەۋى بالا اسىراپ الۋ بويىنشا ارنايى كۋرستان وتكەنىن جانە بىرنەشە قۇجات ۇسىنعانىن ايتتى.

Фото: Жансая Тәуекелқызы/Kazinform
Фото: Жансая Тәуекелқызы/Kazinform

 

بۇل قۇجاتتار ىشىندە ەمشىنىڭ ءبىرقاتار مەديتسينالىق انىقتامادا دەنى ساۋ ەكەنى، بۇرىن سوتتالماعانى كورسەتىلگەن.

باسقارماداعىلار بيىل مامىردىڭ 27 سىندە پروكۋراتۋراعا سۇرانىس جىبەرگەن.

ق ر باس پروكۋراتۋراسى قۇقىقتىق ستاتيستيكا كوميتەتى «اقپاراتتىق قىزمەت» جۇيەسى جاساعان قۇجاتتا ەمشىنىڭ 1993-جىلى «ابايسىزدا ادام ءولتىرۋ» بابىمەن ءىستى بولعانى جانە پسيحيكالىق اۋىتقۋىنا بايلانىستى قىلمىستىق ءىس توقتاتىلىپ، ول ماجبۇرلەپ ەمدەۋگە جىبەرىلگەنى كورسەتىلگەن.

ايتا كەتەيىك، ەمشىگە سوت اكتىسى بۇگىن جاريالانادى.

بۇعان دەيىن شىمكەنتتە جەرگىلىكتى ەمشىنىڭ 6 بالانى قامقورلىققا الىپ، ولارعا ءيت پەن مىسىقتىڭ ەتىن بەرگەنىن، مال باقتىرىپ، ءۇش جىلدان بەرى ازاپتاپ كەلگەنىن جازعان بولاتىنبىز.

ول قازىر ارنايى اۋرۋحانادا جاتىر.

كەيىنىرەك ەمشى تۋرالى تىڭ دەرەك شىقتى. بالالاردىڭ ەلدىڭ بىرنەشە قالاسىنان اسىراپ الىنعانى بەلگىلى بولدى.

ەمشى ىسىنەن سوڭ ءبىلىم سالاسىنىڭ ءبىرقاتار قىزمەتكەرى جازالاندى.

اسىراپ الىنعان بالالاردىڭ اراسىندا ءۇش ايلىق ەگىز دە بار.

بالالاردىڭ ءبىرىنىڭ اجەسى وسكەمەندە تۇرادى. Kazinform ءتىلشىسى 65 جاستاعى ناتاليا ۋستينوۆامەن جولىعىپ، جيەن نەمەرەسىنىڭ اسىراۋعا قالاي بەرىلگەنىن سۇراپ كوردى.

ال شىمكەنتتەگى بالالار ءۇيىنىڭ باسشىسى ەمشىدەن قورلىق كورگەن وقۋشى تۋرالى ايتىپ بەردى.

بۇگىندە قوعامدىق رەزونانس تۋعىزعان ءىس سوتقا كەلىپ ءتۇستى.

بىرەر كۇن بۇرىن وسى بالالارعا قامقورلىق ەمەس، قورلىق كورسەتتى دەپ ايىپتالىپ جاتقان ەمشىنىڭ ءىسىن قارايتىن سۋديا بەلگىلى بولدى.

ال وقۋ-اعارتۋ مينيسترلىگى بالا قۇقىقتارىن قورعاۋ كوميتەتى شىمكەنتتىك ەمشى اقىل-ەسى ساۋ دەگەن قۇجات وتكىزگەنىن مالىمدەدى.

سوڭعى جاڭالىقتار