استانالىقتاردىڭ تەلەفونىنا كەلگەن «دابىلدى» كىم قوسقانى بەلگىلى بولدى

استانا. KAZINFORM - سيفرلىق دامۋ، يننوۆاتسيالار جانە ايروعارىش ونەركاسىبى مينيسترلىگى بۇگىن استانالىقتار جاپپاي العان ۇلتتىق قۇلاقتاندىرۋعا قاتىستى پىكىر ءبىلدىردى.

استانانى Cell Broadcast تەحنولوگياسى بويىنشا توتەنشە جاعدايلار كەزىندە جاپپاي قۇلاقتاندىرۋ جۇيەسىنە قوسىپ جاتىر.

«بۇگىن استانادا قالا تۇرعىندارى مەن قوناقتارىنىڭ تەلەفونىندا ۇلتتىق قۇلاقتاندىرۋ ىسكە قوسىلدى. قازىر استانانى Cell Broadcast تەحنولوگياسى بويىنشا توتەنشە جاعدايلار كەزىندە جاپپاي قۇلاقتاندىرۋ جۇيەسىنە قوسىپ جاتىرمىز»، - دەپ جازىلعان حابارلامادا.

بۇل تەستىلەۋ رەجيمىندە جۇرگىزىلگەن. مينيسترلىك وكىلدەرى تۇرعىنداردى الاڭداماۋعا جانە تەك رەسمي اقپارات كوزدەرىنە سەنۋگە شاقىردى.

ەسكە سالايىق، بۇعان دەيىن استانالىقتاردىڭ تەلەفونىنا «پرەزيدەنتتىك قۇلاقتاندىرۋ» كەلگەنى حابارلاندى.

ال ت ج م باسپا ءسوز قىزمەتى وكىلى ۆەدومستۆو بۇل جۇيەنى تەحنيكالىق تەكسەرۋگە باستاماشى بولماعانىن مالىمدەدى:

«توتەنشە جاعدايلار مينيسترلىگىنىڭ MasAlert جۇيەسىن تەكسەرۋ بويىنشا جۇرگىزىلىپ جاتقان تەحنيكالىق جۇمىستارعا قاتىسى جوق. ت ج م MasAlert پلاتفورماسىن باقىلامايدى، باسقارمايدى، وعان تەحنيكالىق قىزمەت كورسەتۋ، باپتاۋ نەمەسە تەستىلەۋ ءۇشىن جاۋاپ بەرمەيدى».