استانالىق ل ر ت جوباسى: قىتايدا وقىعان 29 وپەراتور ەلگە ورالدى

استانا. قازاقپارات - LRT پويىزدارىنىڭ وپەراتورلارىن دايارلاۋ باعدارلاماسىنىڭ ەكىنشى كەزەڭى اياقتالدى، دەپ حابارلايدى CTS كومپانياسىنىڭ باسپا ءسوز قىزمەتى.

29 مامان قىتايدىڭ تيانجين قالاسىندا وقۋدان ءوتىپ، قورىتىندى ەمتيحانداردى ءساتتى تاپسىردى جانە بىلىكتىلىگىن راستايتىن سەرتيفيكاتتار الدى.

وقىتۋ ءۇش ساتىلى جۇيە بويىنشا جۇرگىزىلەدى. الدىمەن - استاناداعى بازالىق كۋرس، ودان كەيىن شەتەلدە تەرەڭدەتىلگەن تەوريا، ترەناجەرلاردا جۇمىس جانە پراكتيكالىق تاعىلىمداما. سوڭعى كەزەڭ - ەلورداداعى LRT قۇرامدارىندا تاعىلىمداما، جۇيەنى سىناقتان وتكىزۋگە قاتىسۋ جانە جەلىگە شىعۋ.

باعدارلاما مامانداردى تەك پويىز جۇرگىزۋگە عانا ەمەس، سونىمەن قاتار قوزعالىس قاۋىپسىزدىگىن قامتاماسىز ەتۋگە، قۇرامداردى كۇتىپ ۇستاۋعا جانە ىقتيمال اقاۋلاردى جويۋعا ۇيرەتۋگە باعىتتالعان.

استاناداعى ساباقتاردى تيانجين مەتروپوليتەنىنىڭ جانە جەنجوۋ تەمىرجول كاسىبي- تەحنيكالىق ينستيتۋتىنىڭ (ق ح ر) وقىتۋشىلارى جۇرگىزدى. پراكتيكالىق بولىگى تيانجين مەتروپوليتەنىنىڭ ساراپشىلارىنىڭ جەتەكش.

قازاقستاندىق وپەراتورلار ءۇشىن استانانىڭ كليماتتىق جانە پايدالانۋ ەرەكشەلىكتەرىنە بەيىمدەلگەن ارنايى سيمۋلياتسيالىق باعدارلامالار دايىندالدى. ارنايى پوليگوندا توتەنشە جاعدايلار كەزىندەگى ءىس- ارەكەتتەر جانە پراكتيكالىق داعدىلار بەكىتىلدى.

- باعدارلاما وتە مازمۇندى بولدى. قىتايدا ءبىز زاماناۋي تەحنولوگيالارمەن تانىستىق: كومپيۋتەرلىك مودەلدەۋ، جاڭا ترەناجەرلار، شىنايى جاعدايعا بارىنشا جاقىن ورتادا جۇمىس. نەگىزگى نازار جولاۋشىلار قاۋىپسىزدىگىنە، قوزعالىستىڭ ءبىرقالىپتىلىعىنا جانە جايلىلىعىنا اۋدارىلدى، - دەيدى 16 جىلدان استام تاجىريبەسى بار تەمىرجولشى، LRT پويىزدارىنىڭ وپەراتورى دارحان قوسانوۆ.

LRT پويىزدارىنىڭ وپەراتورى عازيز ورازعاليەۆتىڭ سوزىنشە، بۇل جوباعا قاتىسۋ - ونىڭ تاجىريبەسىندەگى جاڭا كەزەڭ.

- 26 جىلدىق تەمىرجول كولىگىندەگى قىزمەتىمدە ماشينيست كومەكشىسىنەن الماتىلىق مەتروپوليتەننىڭ ماشينيست- نۇسقاۋشىسىنا دەيىنگى جولدان ءوتتىم. ەندى LRT اۋىسىپ، جاس ارىپتەستەرىممەن تاجىريبە ءبولىسىپ، جاڭا تەحنولوگيالاردى مەڭگەرىپ جاتىرمىن، - دەپ اتاپ ءوتتى

باعدارلاماعا ەلىمىزدىڭ ءارتۇرلى وڭىرلەرىنەن 140 ۇمىتكەردىڭ ىشىنەن 29 ادام ىرىكتەلدى. ولاردىڭ كوپشىلىگى - تەمىرجولشى اۋلەتتەرىنىڭ وكىلدەرى.

- ەكىنشى كەزەڭ - LRT ىسكە قوسۋعا دايىندىقتاعى ماڭىزدى قادام. جەتى ايدا ولار تەوريا مەن پراكتيكانى ءوتتى، الدا - استاناداعى قورىتىندى تاعىلىمداما. ول جەلىدەگى جۇمىس، جۇيەنى سىناقتان وتكىزۋ جانە پايدالانۋ جاعدايىنا بارىنشا جاقىن جاتتىعۋلاردى قامتيدى. ءبىز ولاردىڭ العان بىلىمدەرى مەن داعدىلارى قازىرگى زامانعى پويىزداردى ءتيىمدى جانە قاۋىپسىز باسقارۋعا مۇمكىندىك بەرەتىنىنە سەنىمدىمىز، - دەدى «City Transportation Systems» ج ش س باسقارۋشى ديرەكتورى باۋىرجان ايتحوجين.

LRT جوباسىنىڭ كەلەسى كەزەڭىندە استانادا سىناقتىق ىسكە قوسۋ جانە جاڭا قۇرامداردىڭ كەلۋى كوزدەلگەن. بۇگىنگى تاڭدا 22,4 ك م رەلستىك جول توسەلدى، 18 ستانسيا %80 استام دايىن.

بۇدان بۇرىن حابارلانعانداي، ەلورداداعى ل ر ت قانداي قوسىمشا باعىتتاردا داميتىنى انىقتالدى.