استاناداعى جەڭىل رەلستى كولىك جۇيەسىنىڭ سىناعى بارلىق 19 قۇراممەن جۇرگىزىلە باستادى
استانا. KAZINFORM - استانانىڭ جەڭىل رەلستى كولىك جۇيەسى ءبىر ۋاقىتتا 19 قۇرامدى قاتىستىرۋمەن كوپ پويىزدى كەشەندى سىناققا ءوتتى.
سىناق ماشينيستىڭ ارالاسۋىنسىز، تولىق اۆتوماتتى GOA4 دەڭگەيىندە وتكىزىلەدى. قازىرگى كەزەڭدە پويىزداردىڭ ناقتى قوزعالىس كەستەسى مودەلدەنۋدە، ونىمەن بىرگە جولاۋشىلاردى وتىرعىزۋ جانە ءتۇسىرۋ، ستانسالارداعى تۇرۋ ۋاقىتى مەن باسقا دا نەگىزگى جۇمىس كورسەتكىشتەرى تەكسەرىلەدى.
وسى كەزەڭنىڭ ناتيجەلەرى جۇيەنى قوسىمشا باپتاۋعا جانە تۇراقتى جۇمىس جاعدايىندا LRT تۇراقتى، قاۋىپسىز ءارى سەنىمدى جۇمىسىن قامتاماسىز ەتۋ ءۇشىن پايدالانىلادى.
استاناعا بارلىعى 19 قۇرام جەتكىزىلدى. جەلىدە 15 پويىز جۇرەتىن بولادى. قالعان قۇرامدار رەزەرۆ رەتىندە قاراستىرىلعان.
