استاناداعى 66 جەكە مەنشىك مەكتەپتىڭ بەسەۋى عانا قازاق تىلىندە ءبىلىم بەرەدى

استانا. KAZINFORM - استانا قالاسىنىڭ ءبىلىم باسقارماسى Kazinform ساۋالىنا جولداعان جاۋابىندا ەلورداداعى جەكە مەنشىك مەكتەپتەردىڭ وقىتۋ ءتىلى تۋرالى مالىمەت بەردى.

«قالاداعى 66 جەكە مەنشىك مەكتەپتىڭ باسىم كوپشىلىگى ارالاس ءتىلدى بولسا، 5 ۋى قازاق ءتىلدى، 15 ى ورىس تىلىندە وقىتادى»، - دەلىنگەن جاۋاپتا.

سونداي-اق، ۆەدومستۆو جاۋابىندا جەكە مەنشىك مەكتەپتەردىڭ وقىتۋ ءتىلى اتا-انالاردىڭ قالاۋىنا قاراي ايقىندالاتىنى ايتىلعان.

«بالاسىنىڭ جەكە مەنشىك مەكتەپتە وقىعانىن قالايتىن اتا-انا مەكتەپتى تاڭداۋ كەزىندە ونىڭ وقىتۋ تىلىنە، وقۋ اقىسىنا، وقىتۋ باعىتىنا بايلانىستى تاڭدايدى»، - دەپ جازىلعان رەسمي مالىمەتتە.

اۆتور
ەسىمجان ناقتىباي