استاناداعى 101-ستانسياسىنا العاشقى ل ر ت قۇرامى كوتەرىلدى

استانا. KAZINFORM - بۇگىن 101-ستانسياسىندا ەكى ۆاگوننان تۇراتىن جەڭىل رەلستى كولىك (LRT) قۇرامىن كوتەرۋ جۇمىستارى ءساتتى جۇرگىزىلدى.

ەلوردا اكىمدىگى مالىمەتىنشە، قۇرامدى كوتەرۋ بارلىق تەحنيكالىق جانە قاۋىپسىزدىك تالاپتارىن ساقتاي كەلە شتاتتىق رەجيمدە ءوتتى. قۇرامدى كوتەرۋ - LRT جۇيەسىن سالۋ اياسىنداعى جوسپارلى شارالاردىڭ ءبىر بولىگى.

ۆاگوندار ستانسيادا 2025 -جىلعى قىركۇيەككە جوسپارلانعان سىناقتىق ىسكە قوسۋ جۇمىستارىنا دەيىن تۇرادى.

- LRT جوباسىن ىسكە اسىرۋ - زاماناۋي قالالىق كولىك ينفراقۇرىلىمىن دامىتۋعا، تۇرعىنداردىڭ موبيلدىلىگى مەن جايلىلىعىن ارتتىرۋعا باعىتتالعان. العاشقى قۇرامدى كوتەرۋ - جوبانى جۇزەگە اسىرۋداعى ماڭىزدى كەزەڭ. ءبىز جۇمىس كەستەسىنە ساي العا جىلجىپ كەلەمىز، الداعى كۇزدە LRT جۇيەسىنىڭ سىناق جۇمىستارىن باستايمىز، - دەدى «City Transportation Systems» ج ش س باسقارما ءتوراعاسى اسىلبەك دۇيسەبايەۆ.

2026 -جىلدىڭ 1-توقسانىندا LRT رەسمي ىسكە قوسىلادى. بۇل تۋرالى استانا قالاسىنىڭ اكىمى جەڭىس قاسىمبەك ايتتى.