استانادا يتتەردىڭ حالىقارالىق كورمەسى ءوتىپ جاتىر

ит
Фото: Kazinform/Солтан Жексенбеков

استانا. KAZINFORM - يتتەر كورمەسىندە ەلىمىزدىڭ ءار وڭىرىنەن كەلگەن تازى، توبەت جانە باسقا دا يت تۇقىمدارى قويىلدى.

كورمە اياسىندا ارنايى حالىقارالىق كوميسسيا قازاقى تازى تۇقىمىنداعى 100 گە جۋىق ءيتتى تەكسەرەدى.

زەرتتەۋ ناتيجەسى بويىنشا كوميسسيا قازاق تازىسىن حالىقارالىق دەڭگەيدە مويىنداۋ جانە «Kazakh Tazy» برەندىن قازاقستانعا بەكىتۋ تۋرالى شەشىم قابىلدايدى.

كورمەگە قاتىسۋ ءۇشىن قازاقستان كينولوگتار وداعى ءارتۇرلى جاستاعى، ساناتتاعى جانە تۇستەرى ءارتۇرلى 100 ءيتتى ىرىكتەپ العان.

ءىس- شارانى ۇيىمداستىرۋشىلاردىڭ ايتۋىنشا، قازاقى يت تۇقىمدارىن حالىقارالىق دەڭگەيدە مويىنداۋ ءۇشىن FCI ءدىڭ (حالىقارالىق كينولوگيا فەدەراتسياسى) مىندەتتى تالاپتارىنىڭ ءبىرى يتتەردى، ولار شىققان ەلدەگى تۇقىمنىڭ جاي- كۇيى مەن دامۋ پەرسپەكتيۆالارىن زەرتتەۋ.

ит
Фото: Kazinform/Солтан Жексенбеков

«بۇگىن ەلىمىزدىڭ بارلىق وڭىرىنەن يتبەگىلەر قاۋىمى جينالىپ وتىر. كورمەدەن 90 نان استام اسىل تۇقىمدى تازىنى تاماشالاۋعا بولادى. تازى - قازاقتىڭ ەجەلگى يت تۇقىمى، ماقتانىشى، جەتى قازىنانىڭ ءبىرى. ونىڭ شىعۋى ءبىزدىڭ تاريحىمىزبەن تىكەلەي بايلانىستى. ⅩⅩ عاسىردا ءارتۇرلى سەبەپتەن تازىنىڭ سانى ازايىپ، جوعالۋعا شاق قالدى. سونداي- اق، تازىنى ساقتاپ قالۋعا ءتيىستى كوڭىل بولىنبەۋ سالدارىنان، ءيتتىڭ وزىنە ءتان باستاپقى قاسيەتتەرى جويىلا باستادى»، - دەدى ەكولوگيا جانە تابيعي رەسۋرستار ءمينيسترى ەرلان نىسانبايەۆ كورمەنىڭ اشىلۋ سالتاناتىندا.

ит
Фото: Kazinform/Солтан Жексенбеков

ءمينيستردىڭ ايتۋىنشا، تازى، توبەتتى ساقتاپ قالۋ - مەملەكەتتىڭ نازارىندا.

«سونىمەن قاتار، توبەتتەردى دە قورعاپ، الەمدىك دەڭگەيدە تانىتۋ جۇمىستارى ءجۇرىپ جاتىر. قازىر قازاقى يتتەردىڭ تۇقىمىن ساقتاپ قالۋ جانە ءوسىمىن مولايتۋ جونىندە قوعام مەن مەملەكەتتىڭ كۇش جىگەرىن شوعىرلاندىرۋ بويىنشا شارالار قابىلدانۋدا، بۇل زاڭنامالىق دەڭگەيدە بەكىتىلدى. قازاقستان مەن دۇنيەجۇزىلىك كينولوگيالىق قوعامداستىق يت تۇقىمدارىن ساقتاۋ ءۇشىن ىنتىماقتاستىقتا جۇمىس ىستەيدى»، - دەيدى ۆەدومستۆو باسشىسى.

ит
Фото: Kazinform/Солтан Жексенбеков
سوڭعى جاڭالىقتار