ءداستۇرلى ەمەس مەديتسينالىق قىزمەتكە جۇگىنگەن ەلوردا تۇرعىنى قايتىس بولدى
ەلوردا تۇرعىنى ءداستۇرلى ەمەس مەديتسينالىق قىزمەتپەن اينالىسقانى ءۇشىن سوتتالدى. ونىڭ كىناسىنەن ادام قايتىس بولدى، - دەپ حابارلايدى استانا قالاسىنىڭ پروكۋراتۋراسى.
ۆەدومستۆو مالىمەتىنشە، ءداستۇرلى ەمەس شىعىس مەديتسيناسىمەن اينالىسقان سوتتالعاننىڭ كىناسى دالەلدەنگەن.
«سوتتالعان ادام ءتيىستى كۋالىكتەرى مەن ليتسەنزيالارى جوق مەديتسينالىق قىزمەتپەن اينالىسقان. ۇيقىعا بايلانىستىى شاعىمىمەن كلينيكاعا جۇگىنگەن جابىرلەنۋشىگە قازاقستان رەسپۋبليكاسىندا ليتسەنزيالانباعان پرەپارات ينەكتسياسى سالىنعان، سودان كەيىن ونىڭ ءال-اۋقاتى كۇرت ناشارلاعان»، - دەلىنگەن حابارلامادا.
ناۋقاس ەسىن جيماستان ءبىراز ۋاقىتتان كەيىن قايتىس بولدى. ساراپتامانىڭ قورىتىندىسى بويىنشا ءولىمنىڭ سەبەبى انافيلاكتيكالىق شوك بولدى.
سوت ۇكىمىمەن كىنالى ادام مەديتسينالىق قىزمەتپەن اينالىسۋ قۇقىعىنان ايىرىلىپ، سوتتالدى.
