استانادا وتەتىن «قايرات» پەن «وليمپياكوس» اراسىنداعى ويىن بيلەتتەرى ساتىلىمعا شىقتى

الماتى. KAZINFORM - چەمپيوندار ليگاسى اياسىندا «قايراتتىڭ» ەلوردادا وتەتىن العاشقى ماتچىنا بيلەتتەر ساتىلىمعا شىقتى.

الماتىلىق كلۋب گرەكيانىڭ «وليمپياكوس» كومانداسىنا قارسى ويىننىڭ بيلەتتەرى ساتىلا باستاعانىن حابارلادى. بيلەت باعاسى - 15000-50000 تەڭگە ارالىعىندا. ماتچ 9-جەلتوقسان كۇنى 20:30 دا «استانا ارەنا» ستاديونىندا وتەدى.

- ءبىر ج س ن- عا ەكى بيلەتتەن ارتىق ساتىپ الۋعا بولمايدى. شەتەل ازاماتتارى ءتولقۇجات دەرەكتەرىن كورسەتە الادى، - دەپ حابارلادى كلۋب.

ەسكە سالايىق، بۇعان دەيىن «قايرات» فۋتبول كلۋبى ۋەفامەن بىرلەسە وتىرىپ، چەمپيوندار ليگاسىنىڭ جالپى كەزەڭىندە «وليمپياكوس» (9-جەلتوقسان)، «بريۋگگە» (20-قاڭتار) كوماندالارىنا قارسى ءوز الاڭىنداعى ماتچتارىن «استانا ارەنا» ستاديونىنا كوشىرەتىنىن حابارلاعان ەدى.

وعان دەيىن «قايراتتىڭ» «رەال مادريد» جانە «پافوس» كوماندالارىنا قارسى ويىندارى الماتىنىڭ ورتالىق ستاديونىندا ءوتتى. بۇل ماتچتارعا بيلەت 30-250 مىڭ تەڭگە ارالىعىندا ساتىلدى.